所以係呢度公開食譜比大家，加上少少我自己的心得，希望大家都成功啦~

材料﹕暖水140克、instant yeast 7克、糖7克、高根粉250克、鹽7克、橄欖油1.5茶匙

做法﹕

(1) 暖水+糖+instant yeast混和至yeast及糖融，靜置在桌上約1-2分鐘

(2) 將(1)逐少加入已篩過的根粉、鹽及橄欖油，一直搓揉至出根性，成麵團後用保鮮紙蓋面靜置10-15分鐘；即可捍薄成pizza皮，放上喜愛的topping就可以焗喇~

小撇步﹕

(1) 暖水就好了，唔需要太熱架~

(2) 出根性 = 你一直搓，搓到麵團唔黏手就可以喇，最好拉開見到薄膜啦，唔識睇都唔緊要，只要麵團唔會黏手就ok架喇~

(3) 放topping之前，建議用叉幫pizza皮咭孔孔，可有助疏氣；而topping以乾身為主，可以加少少dressing，但唔好太濕，會影響pizza皮的口感

(4) 鐘意厚批就整細細個就得喇，鐘意薄批就輾薄佢lu~(呢句好似好無聊，但好多人都問我架，其實呢個pizza皮好順得人，你鐘意厚薄都得)

(5) 以上的份量可以做到2-3個pizza，食唔哂既你用保鮮紙包好放係雪櫃，可以keep到一個月架~食之前半小時拎出黎解凍就ok~

(6) 剛焗完的pizza最好放係網架上涼，當然你想既即食唔放都無問題啦，但未食住既就要放係網架上，唔係d熱氣會令到pizza底濕哂架~

雪緊曲奇的時候，我就教大家做大力妹喇﹗

點解係大力妹呢？因為大家要出盡力將根粉同酵母水搓到起根同成形

未整過麵包pizza的朋友可能唔知，少d手腕力都唔得架~

經過秤材料份量、再搓左一輪麵粉之後，大家既pizza皮已經成型喇﹗

你地睇~d同學仔幾開心

之後就教大家搓皮的方法，可以用麵掍捍開d麵皮、可以用手學印度人轉皮、又可以用拳頭將麵皮搥開~~~

就係玩緊轉麵皮的時候，傻芬少奶一個唔留神，將麵皮掉左落地下(汗)

唔緊要啦，拎我果d去玩lu~~~(希望傻芬爸爸今日鐘意食啦~)

經傻芬少奶的示範，大家都好小心咁用麵掍做喇~~~

出爐喇~~(未出爐前已經聞到d芝士同pizza香，大家都肚餓到咕咕聲，加上自己整，所以覺得pizza特別好食~)

呢個係同學的作品，我鐘意佢d芝士微焦

濤濤的朋友，你地睇，佢真係自己整左三個pizza同好多曲奇架~

幾多同學，幾多pizza~

呢個pizza海，我覺得真係威喎~~~~

唔講唔知，一齊煮野食、一齊睇住d raw material變成食物

就好似濤濤話齋「真係好神奇啊」、「原來真係得架」

Jessie走既時候，佢拎住舊pizza皮(因為焗唔哂，佢拎番屋企再焗)「嘩，原來真係會膨脹架喎，大舊左好多啊」

見住d同學仔，由最初咩都唔識整、整來整去都係cake mix或者成日整都唔成功既；到最後，食番自己的製成品、見住曲奇出爐、聞到牛油香既滿足笑容......

我覺得教班最大既滿足感就係呢d，多謝同學仔比機會我去經驗，希望黎緊繼續有機會同大家一齊玩~~~

可能係今次整既款式難度高d，加上我又病緊，所以感覺上有d吃力

但見到大家咁開心又鐘意整，整得好落力

又搓又切咁，少d耐性都唔得架~

所以同學仔，你地好厲害﹗下次再教你地整d好食又好玩既野~

比你地睇下今日的花絮呃(由於太多相，我今次比曲奇既大家睇住先~)

呢pat野係牛油加糖霜~好似係我示範既~

我的好幫手~碧碧~

佢兩個平時好少合作，今次partner都夾得幾好，起碼無打交~乖哂~

oh~好賢慧既少婦人~

兩位少奶都唔執輸，起勢攪~

姑媽~見到d麵粉都笑到咁甜既~諗起邊個？

同學仔整既過程都有R頭，咁樣整D皮就會有格仔曲奇架喇？當切開D麵團既一刻，大家d歡呼聲，我想講，辛苦係有回報架同學仔~~~

手起刀落，唔好得罪濤濤~佢好兇恨架~~~對d曲奇~

眨下眼就切哂兩條~

傻芬少奶放d曲奇都整齊d~~果然係我既首席大弟子~~~讚﹗

呢個係jenny既，呢個妹妹仔次次學整野食都好乖幫手洗野架~(知喇知喇，濤濤都有份洗嘛~係喇叻喇~~~)

胡先生接我放工時，一睇見呢張相都「嘩，曲奇陣啊」咁叫左出黎~可想而之，間房係咁幾曲奇幾咁牛油呢~~~

呢張相我好鐘意，唔知點解好整齊咁~係碧碧帶走既部份曲奇~

今次好大堆頭，每人有三個pizza(傻芬得兩個，一個跌左落地無得食)同至少20塊曲奇

所以個個都話好滿足好好玩~

都會發現我呢兩日唔係好活躍，無咩update個blog

因為我真係病到痴肺，胡先生都話好少見我咁乖自動自覺食藥同睇醫生，今次真係唔到我唔乖喇(藝術家，你好同我食哂d藥唔好再咳喇~~我肯定係你惹病我架!!!!!哼~~~唔比番梁瑋豪d漫畫你架~)

好喇，今日我都仲係唔多妥，不過我教班的熱誠唔會倒退架﹗

所以今晚又開班喇~~

呢度只係一部份材料，未齊架~

有蛋

蘑菇

整咩？就係教大家整pizza喇~

除左pizza，仲有大家都好想學既格仔曲奇同扭紋曲奇

今晚有七個同學仔，希望大家都玩得開開心心啦~

製作詳情要夜d先可以upload喇~~比d耐性等下我~~~

事實上，我都好鐘意教大家整野食既過程

見到每位同事同學仔都好投入又留心，成功時又會開心到大叫

我想講，真係好有滿足感

呢個係傻芬同濤濤跟住cake mix食譜攪既芝士波波醬，雖然中間出現一d小插曲，但好快被機警既傻芬留意到，救亡行動成功﹗大家都讚呢d波波好好食~

我要強調，濤濤本身係一個好可愛既女仔，特別當佢咁認真去整個芝士波波；但到最後整到同佢份人好配合既形狀，我實在不由得唔衷心講句﹕濤濤，你好勁啊~~~(^^)

唔係我亂講架，就算濤濤話「豈有此理你﹗」我都要講，呢個形狀既芝士波波我未見過，我覺得真係威啊~~~hehehe

咁最後當然芝士波波的香氣已經征服哂所有同事，無人再記得佢d芝屎波波啦~

抵得佢咁靚仔呃喇~

呢d係果撻同蛋撻的材料

我個人黎講呢，好喜愛呢張相~

由於時間關係，我預先整左撻皮，同事各自學習將撻皮按入模中，再加蛋液去焗

出爐呢半打蛋撻，雖然有幾個難甩d，但最後都成功啊~~

你睇佢地食得幾開心~~

之後教大家切花，兩位同學都好落力~

幾靚~

呢張相好sharp

我好鐘意食既桃~~到最後一舊都無食到~

我同傻芬都好鐘意呢幾隻色既生果，so colourful

濤濤同daphne幫手攪既吉士餡，vanessa幫手分裝~

撻皮第一次整，雖然有d唔成功，但同事都好落力去後天補救~最後大成功啊~

你地睇~

好大堆頭~

呢個係我示範既果撻，我覺得都幾好睇~~下次再努力d先~

為左令同事可以由基本學起、又可以唔駛lunch咁趕，所以第三堂我地會放工後進行，今次暫定整pizza同花式曲奇(都離不開扭紋啊、格仔啊、你啊、我啊......痴左)

期待ing......

又好想要食譜，經首席弟子傻芬的努力練習及要求下

將食譜在此分享啦~

其實我教大家整呢款曲奇，都係多得Vanlily公開食譜

所以都要多謝未曾見過面，但我十分佩服的Vanlily小姐

以下的份量可製作約20件，我加入了教班及自家製作了多次的心得，可放心跟住做

材料﹕牛油 100克、糖粉 60克、雞蛋 40克、低粉 200克、泡打粉 2克、鹽 2克、Fox's果汁糖1罐(每粒糖平均切開兩邊)

做法﹕

(1) 室溫放軟牛油，加入糖粉及鹽打至鬆發

(2) 逐少加入蛋液，直至蛋汁完全混入牛油糊

(3) 篩入低粉及泡打粉，用刮刀以切拌法與(2)混合

(4) 將(3)弄成糰及稍為捍平，放入冰格冷藏約半小時，以餅模印出通心曲奇

(5) 將糖放於曲奇通心位置，以焗爐150-160度焗至糖融及曲奇變金黃色即可出爐。

小撇步﹕

(1) 糖需要切半，每次通花曲奇中間可放半粒至1粒的糖，糖會在焗製時融化成為大家見到的通透玻璃；我想講，混合色的糖係好靚架，意思係可以將兩粒唔同色的糖放係同一塊曲奇焗。

(2) 糖越薄越好，唔係就會太硬喇；唔知大家用咩曲奇模同size，好難比comment。

(3) 想要曲奇皮夠鬆化，牛油一定要軟化得夠，但唔可以座熱水整成液體，比d耐性早d拎舊牛油出黎放室溫啦~~

(4) 做法的步驟(4)將麵團稍為壓平先雪，係方便新手整曲奇既你，係冷藏後快手印曲奇，減省要將硬身的麵團再捍開的煩惱。而且印完用剩的曲奇皮可以輕手將佢地推番埋一塊皮再印過~~

希望大家都成功﹗

咁我就想整d曲奇帶比佢地食啦~

陳老三話都想整，咁我地又兩條友睇食譜書揀下揀下

最後就決定整扭紋曲奇

話時話，我整過格仔曲奇，扭紋真係第一次

入爐前既咖啡扭紋曲奇~好似花生醬~

呢個係芋頭味

好大堆頭~~焗到12點幾焗起四盤~

我個人最喜愛既始終都係咖啡味~

我pack起左一盒比胡先生既朋友，希望佢地鐘意食啦~

好耐無出食譜，今次比大家試下整呃~份量約15-20塊

材料﹕低粉150克、糖粉50克、蛋30克、牛油(室溫放軟)70克、香芋及咖啡色膏各1-2滴

做法﹕

(1) 將牛油及糖粉打至鬆發，逐少加入蛋液及攪拌成牛油蛋糊

(2) 將低粉過篩，與(1) 以切拌法拌勻成麵團

(3) 將麵團分成4份，其中兩份原味麵團分別壓平放於保鮮紙上；另外兩份分別混入色膏

(4) 將芋頭味麵團及咖啡味麵團分別壓平及各自放於原味麵團上；以捲壽司一樣的做法，將麵團捲起並用保鮮紙包實雪於冰箱內約20分鐘。取出切薄片，預熱焗爐180度焗15分鐘左右即可。

小撇步﹕

有很多朋友都不喜歡用色膏，如果想整朱古力味可用可可粉代替，約5-8克；咖啡味亦可用咖啡粉代替，同樣份量為5-8克(芋頭味未有方法替代呢~)

暑期活動教小朋友整多國美食

果時只係因為自己鐘意整，中心有資助，而且cookery係暑期活動中好受歡迎既~

所以就開始教小朋友整野食

再之後駐校做PO，好少機會教呢種班

直至黎到依家呢個中心，有親子餅房、認識到周太、有時教展翅又會係ending date同佢地整蛋撻，來一個happy ending；呢d都係零碎的片段

近來睇食蕉果本書(你地明我講邊本啦)，講到要減壓最好的方法唔係要去解除你面對既壓力(好多時解極都仲係度)，反而為自己搵一d快樂的源頭、做令自己快樂的事情，可能仲好......

所以，我決定再開班喇~~~~

我唔收學費既，只係想大家都開開心心整野食

我無咩專長同興趣，煮野食應該係我比較在行，希望用我的心意去令身邊既好人開心(壞人我唔教架)

今日開第一班，係朋友仔crystal要求想學整曲奇(因為見到整比新婚朋友既曲奇好鐘意，想學下整)

係中心lunch hour整，吸引左其他同事加入(做野佢地都好勤力架)

一盤又一盤既曲奇就出爐喇~

我QC後，呢個最靚~

呢個形狀最得我心

\\

呢個係同事好鐘意既一隻貓~

濤濤既一家大細，吹到啤一聲~~~

連另一個中心的主任都一齊玩~你地睇~(主任個女，你阿媽好幫得手，唔好唔信佢啦；佢真係有份整架~)

呢個同事係我影咁多張最上鏡架~d曲奇............

都話引到好多同事入黎架啦~~好齊心咁影左張大合照﹗yeah~

同事們走既時候，個個都開心

見到佢地開心，我都好滿足

佢地已經約緊下一班要學整d咩，班長傻芬，請比張list我預備材料同約時間啦~

希望今年為自己定一個令自己快樂的目標