唔知自上次我發出食蕉同盟會的呼召後，有幾多默友加盟左

係呢度回覆過想加盟既你，你的情況又如何呢？

無回覆但我地日日都見的藝術盟會長老、傻芬長老，你地情況又點啊？

就連遠方的表嫂蕉友、老大蕉友，聽聞大家都有盡力蕉building喎......

今日，我要係呢度同大家公佈小妹進行蕉building以來的初段成果

我由2月28日起開始，至今其實只係18日的蕉building(因為期間我病左差不多兩個星期，咩胃口都無哂；食下停下咁，扣扣埋埋我只係蕉左18日囉)

但我既磅數已有所回落

講講下口痕，食番個橙先~

無錯，蕉building的過程中，我盡量下午茶都食個水果(橙同奇異果係最常食到架)；咁當然有好多日心情低落時都會食番塊DOVE朱古力開心下既~~但可樂、薯片已經絕跡多時喇，久不久都有心癮想食，但好快就冷靜落黎無破戒......

好，講番我既磅數先......

由122bs(嚇死人喇肥四)，依家係117bs

足足輕左5bs......(剛病好番d，上磅只係得114bs架咋，我開心到以為輕左成8bs；後來好番d胃口又好番d，磅數又上升番d囉~)

但keep住到依家都係117bs!!!!!!yeah!!!!!!

由於蕉左咁多日，我蕉到好厭又悶喇；經同傻芬長老商量後，決定聽取阿奶的意見，由星期一起「火龍building」(好似好勁咁啊個名......超白痴)

火龍果係我好鐘意既水果之一，水份夠、價錢唔算貴、對半切開用匙羹畢黎食都算方便、可以留到幾日，最緊要係咩你知嘛............就係佢一樣都係飽肚又通便架﹗﹗﹗

書入面有提到，其實可以轉其他水果代替蕉，但要明白重點在於早上希望讓腸胃好好休息，所以只食一種水果同飲常溫開水；我仲keep到早訓同盡量早d食dinner......你睇我為左減肥真係幾乖都有架~

好喇，盟友們﹗希望大家唔好放棄、我既目標係105bs，即係仲有12bs to go......

過一排我又番黎同大家報告架喇，努力啊~~~~~~

每一日的早上，包括﹕星期六及星期日(3月1日因為好友結婚，所以無時間食)；都一隻蕉及多杯常溫開水

便便﹕十分順利，毫無擔憂的情況下將老舊廢物排出體外

皮膚﹕一直都處於缺水及多粒粒的狀況下，但近日有明顯回升；也因為有做facial及換了Fancl的補濕鎖水系統的護膚品原故嗎？不知道，但就是有回升。

體重﹕雖然沒有下降，但感覺輕鬆多了

注意﹕

(1) 自從開始蕉building之後，每晚盡量早吃飯(其實是很難做到八點前的，盡量不晚過九點就是了)；又會盡早上床睡覺，12時左右吧，希望日後能更早，目標是11:30pm前睡覺(在msn見到我的朋友，請提我一下吧，謝謝)

(2) 每天開始寫蕉diary，記錄下每天的情況；好提醒自己留意身體狀況

(3) 蕉書有提到，開始時部份人會體重不跌反升，但這是因為身體在補充之前的缺水，而身體狀況的回復後，體重自然會減下來。(這是傻芬都在體驗的)

(4) 持之以恆、細嚼慢嚥、心境開朗、早睡早起(哈﹗希望大家都做到吧﹗)

好多人見到我都會覺得我唔肥

但惟有最親密的戰友們，你地親眼目睹我慘不忍睹的BIG BELLY

就知道唔減磅唔得

我由最瘦時105bs到依家已經脹左十幾磅(好勇敢是嗎？公然係度公開我既體重)

呢十幾磅係點得黎架呢？唔好問我，我唔想知都唔會知~

只能夠概嘆一句，我年紀大、機器壞、新陳代謝唔夠快

但曙光終於都出現喇~

經藝術家的引入、傻芬的實證、加上我親自閱卷之後

我決定開一個「香蕉同盟會」，代號﹕蕉building

希望可以經歷一次令人快樂無壓力的減肥旅程

由於版權問題，我唔可以詳述書中的內容

只可以講，有意減肥的人士必讀

未必人人都0岩用，但內裡的concept對每一個人都好有幫助

有人想加入我地呢個同盟嗎？

由明天起，早上食幾條蕉同飲多d白開水，下午開始就可以回復正常飲食喇......