鋪頭仍在努力中

今日感謝幫忙的所有人，特別是林sir

老蓮咁遠都黎幫手

胡先生希望我即製冰皮月餅比林sir(仲有送給胡家中秋禮)

所以用上在orange bakery買來的新冰皮預拌粉

仲有新的月餅模，呢個花模好ok~

各位，今年收爐喇

胡先生番黎既時候都覺得我做得太多

攰就攰d，但個皮好味又夠煙un、餡料係現成購買既(味道唔錯，咖啡味最好食、蕃薯味都good、綠豆蓉就甜左dd)

今次我有d就做純味

有部份就用綠荳蓉包住其他餡，兩樣好受歡迎啊~

不過今次d皮比較難包，月餅個樣麻麻地出

無所謂啦，今年第一擊姐~

仲有餡料剩，我可能考慮再做一次......

由於上次係導師的示範，今次我示範，希望大家明點整啦~

其實都係要先將朱古力掃係朱古力蛋模，一層打底薄薄地及乾左之後就掃第二層~

呢層緊要喇，你一定要make sure個蛋模已經full哂朱古力無孔

之後就要雪一陣雪到夠乾夠硬正，就幫佢地甩模

呢個step好易令人氣餒，因為未必甩得好順利

會有d穿左、有d崩左，能夠生還既唔會好多隻，大家要有多嘗試多努力的準備

如果好趕時間、心情唔好、好夜又眼訓既

我勸大家唔好同朱古力玩遊戲，你一定會好難過收場

呢個幾好，我第一隻甩模既朱古力蛋算係最四正

呢個野幫大家將朱古力合體，下面放熱水，上面放鋼碟加熱，之後......

將朱古力蛋其中一邊放上去，整融個邊，一見佢融就要合體喇~

咩為之ok呢，你睇呢張相......個邊一融就要起喇~起左個朱古力蛋殼就同另一邊合埋一齊成一粒蛋，得左~

我搵到呢個水晶天鵝，影比大家睇下~

佢地游左埋d蛋蛋度~

完成左喇~我整六隻蛋，死左兩隻(個蛋殼裂左，所以整唔到啊~)

大家仲想唔想學整呢個復活蛋呢？都唔係易整既~但整到又好開心囉~

料理就係咁矛盾既事，越辛苦越開心......

今次就要為大家介紹一下，由導師製作(我在一旁偷師又偷雞整兩野)的作品

朱古力復活蛋．棉花糖兔仔

剛開始時老師教大家要為蛋模掃上朱古力，一層兩層的掃

後來有一個家庭因為掃得不夠均勻而導師甩模失敗，老師就叫我幫忙做一個

最後老師說我做既甩得好好啊(面紅)，哈﹗令我很有衝動回家弄一個(我買了蛋模喇)

OH﹗你們看~~~這是老師做的小蛋模，在裡面放點小朱古力豆、糖果啊就可以合體

最後還教大家做了可愛的棉花糖兔仔，還有大大隻的朱古力蛋呢~

我個人比較喜歡小朱古力蛋，因為比較不肥不漏，適合女孩子嘛

因為復活節的原故，我跟大老細申請，買來一堆朱古力蛋送給小朋友，再問一些與復活節有關的題目，最後大家都很快樂的忙了一個週日、開開心心滿載而歸地回家去

有朋友話我地太現實，一年先得一日情人節，送花呢d錢都慳

人各有志呢朋友，大家要面對的事情、對事物的觀感都唔一樣，又何必加以評論呢？

好，講番情人節當日我地做過咩呢~~~(你地又做過咩呢？)

我地下午去左好耐無去的媽媽島，目的地係organic herb farm(下一篇介紹一下)

之後，就同胡先生合力煮晚餐~

我地的情人節晚餐好簡單，但好美味、好滿足~~

胡先生的背影，佢係度煮緊肉醬長通粉啊~~~辛苦你喇~

好新鮮的蕃茄

美味的......好美味......

我幫手切同煮的蘆筍，好味~~~

外賣的串燒，中辣的汁，一流啊~~~

向大家推介，有氣果酒

情人節當日私私縮扒每罐售$10，平時要$16@架~(綠色梅味唔好飲，其他兩隻好味)

當然有我的甜品啦~~洛神花茶凍(feature雜莓)

我覺得呢張相好靚~

仲有必備的朱古力(之前整果d情人節朱古力已售罄)

7仔的專利，黑金莎，連唔食金莎的胡先生都話好味~~你地快d去試下~

好味好味好味啊~~~

番屋企仲見到老三的好睇唔好食蛋糕~~~hehe

下年的情人節，要整番餐好野比胡先生食............

係坊間好多地方都有，但原來自己整係咁好玩、咁有滿足感，你地睇~~

等我帶你地睇下呢個偉大的誕生故事啦~

我上星期五收工之後，去左公司附近的街市行一陣

見到有大粒士多啤梨賣，最後兩盒我就$15@ 2盒帶佢地番屋企

想起有個朋友叫我教佢整簡易的情人節朱古力送比男友，所以就......

你睇佢地幾咁期待著新衫......(加朱古力外衣嘛~)

溶左白朱古力~

再溶牛奶朱古力~

hihi~我地出世喇~有雙下爬的twins

有伸屎(紳士)~

有白色的伸屎~~

有心心的伸屎......

有傻丙阿呆(佢心型眼同心型咀都幾似d阿呆~)

仲有錯手整成既大盜(我個人最喜愛呢個，無得頂啊~)

只要加個包裝，送作情人節禮物一d都唔失禮呃~right？

呢一日都會碰面，所以希望親手整d朱古力比佢地食啦......

一次過要整咁多位同事的份量，真係少d心力都唔得啊~

唔係同你講笑，我整左大半個晏晝，整左三盒......

我覺得真係威喎﹗

最鐘意呢一粒，我鐘意佢個花紋、佢圓look look、佢既簡單又方便的做法

唔好睇佢成粒圓波波好似好漏咁，其實中間係一粒軟糖黎架﹗煙煙un un痴痴纏纏咁

你信唔信呃，我真係將粒軟糖放入d朱古力漿浸幾次，最後用白朱古力畫花紋

得左﹗

因為簡單我先可以一次過整三盒，希望同事都鐘意食啦~

不過你地唔會明架喇，我同傻芬既野......

連佢老公呂能B都唔會明架喇~(雞絲燴意，嘿嘿)

好喇，咁傻芬生日同情人節朱古力有咩關係呢？

事關咁既，我有鋪逢過情人節就整朱古力比傻芬的癮

咁今次整多d當係生日禮物咁囉~

我好比心機整架~

oh~係第一次做轉印紙整朱古力呢~

仲有三色朱古力~唔覺咩？

有三層架真係......

心印心呢個真係睇到都冧哂~

呢個令我想唱番首「迷人pink lady~」

包成咁，感覺上好豐富......

仲有棒棒糖，下次都要整唔同色，無咁齋呃嘛~~~

好喇，呢個包裝係我同胡先生專登去買架，仲可以循環再用~~

希望傻芬生日快樂、身體健康、老公生生性性、四方城長勝、唔駛再做胃安芬、情人節happy啊啊啊啊~~~

朋友仔，情人節就到，又係顯出你地智慧的時候

商業上情人節的確係搵銀的好時機，節日氣氛係會令人失去理智架(我都好癲咁食過一餐好貴既法國野)；但智慧的我地又點可以多次慘敗比商家呢？

係時候用唔太貴的成本整最精緻既小禮品喇~~加油啊~

唔好講咁多，R痕先~~

姨丈好鐘意請我地飲佢d茶，佢好有功架呢~

唔可以唔介紹一下，hehe，呢d水仙花係我陳媽媽架，要打尖介紹左先~

你睇佢幾靚......仲好香添~~

好喇﹗賞完花、R完痕、品完茗；係時侯介紹阿姨的團拜晚宴喇~

我問你服字？成盤鮑魚燴生菜﹗

點到你唔服？再黎瑤柱豆苗(我好鐘意食豆苗架)

有笑蝦蝦

對唔住，係我手震；比d花膠同海參嚇到手震~~

呢味野唔駛我介紹啦~

豉油雞，雖然係外賣，但都好好味啊~

白切雞~外賣得黎都好好味啊~

同細表佢地傾下計、hei下、睇下東成西就又一晚

回程時已經攰到不能，但親友們似乎未聚夠

聽聞想入天水圍細姨屋企encore(送我果凍模果個就係細姨)、又聽聞好似想一人整d小食入去開大食會咁，堅定流架？

朋友講過炒芥蘭加薑汁、酒和糖的食味，是他父親專屬的味道

嗅到香燭的火舌味，就會想起叔公的家

雪花糕、玉蘭油的護膚香氣，是兒時陳媽媽給我的氣味回憶

味甘帶蔗香的古法年糕，就是兒時陳爸爸在鄉下帶回來的過年味道

大概已經有十幾年沒看過、吃過這種獨特的鄉下味

年初三的晚上，老三一進門口就好興奮的說，有好東西﹗

原來她從車干先生的家裡把爸爸的鄉下味帶了回來

看﹗就是這個東西﹗

是一種粉粉、有點硬，第一口不怎麼樣、慢慢咀嚼才吃得到甘甜和做這道料理的人那份心意跟賣力。

年糕嘛，要吃得糯又有咬口，撻漿的功夫省不了。

車干先生，請你代我們跟婆婆和你媽道謝了﹗

雖然味道是很像了，可沒有陳爸爸，這種味道只能當隨意門

帶我回到那年那月那個春節，在廚房......爸爸切一片年糕片給我，自己也跟著吃，還邊吃邊用鄉下話說「好吃好吃﹗」

老豆，你好嗎？充心感謝、珍重再見

出左年初二開年飯十二道菜﹗

無睇錯係十二道~

大蝦碌、豉油雞、發財好事、象胈蚝炒蜜豆、帶子西蘭花、鮑魚響螺湯、蒸斑、橫財好事(呢個影唔到)、鮑魚片燴生菜

象胈蚝炒蜜豆(後面既係大蝦碌)

豉油雞

帶子西蘭花x2

鮑魚片燴生菜

蒸斑

發財好事

sorry呢~我真係影唔得哂~因為好忙好忙啊~

不過成餐飯都好正﹗之後仲要成班表兄弟妹一齊玩UNO、玩啤牌食哂d黃金糕~

來年一定會更好玩架~~~

恭喜、恭喜

話說放假之前我去左Jusco入貨，買左包豆腐煎餅粉，見個包裝既樣好似好好味咁，所以就買左一包番黎試下，點知就出事喇~

拿﹗我無執過d色架﹗原來已經係咁既款~係咪好似幾好味咁呢？

唔好比佢虛假的外表欺騙你地，實質上唔多好味架~

具體d黎講，佢既質地真係豆腐咁，只係加左果包粉之後就可以整成一個個咁去煎

最後就成為你地見到既咁~

重點黎喇，一咬落去果種糊pat pat的質地唔係人人都受~

而咁鐘意食煙un野既我，當然你即時從must buy item將佢kick away啦~

不過話哂我都好比心機去整，而且想提醒大家唔好去jusco買呢包豆腐煎餅粉，$10都係錢黎架嘛~要買就不如買佢地既冷麵，好好味~~~

等天氣無咁凍，我就整個冷麵食下~~

依，今日赤口，我要搵人鬧下交先得~~一陣再傾~~~

每逢年初二就係陳家的團拜日，阿姨表哥佢地都會黎哂我地屋企食開年飯﹗

舊年陳媽媽破例出去酒樓食，咁下午既時間就可以同阿姨佢地耍樂一番、輕鬆d

但由於陳媽媽傳統，希望都係一家人係屋企食，而且可以食得幾豪都唔會肉赤

所以今年媽媽都係屋企自己煮，我一陣先同大家報導今年開年飯的菜式啦﹗

我唔知芋蝦的由來，亦從來都無食過芋蝦

但今個新年多得胡媽媽的指導，成功製作第一趟的芋蝦

大家睇睇先~

一個個、細細粒、好鬆化、又香芋頭味

我同胡媽媽去炸既時候，試食左一舊，真係好味呢......好味過薯片﹗

由刨芋絲、較味、炸，都係胡媽媽從旁指導

雖然開始既時候我唔識個技巧整得有d怪怪地，後來胡媽媽教左d秘訣，最後幾粒都算係成功呢~~~~

yeah﹗真係好感動~~好開心啊~

今日呢一樽芋蝦已經食哂喇﹗

食過既屋企人都讚不絕口，希望不久的將來我會再整啦﹗

胡媽媽話齋，識左之後就鐘意幾時整都得~~~~

賣冷、賣冷、賣到年卅晚

又係凍的新年，好似咁先有feel d

但可唔可以唔落雨呢？唔該......

當你睇到呢篇post的時候，我可能已經身處維園而不能自已，多希望聽日唔會逼到以後update唔到個blog(唔好比陳媽媽同胡先生睇到呢句，實提早同我開年^.^)

邊有人咁架﹗依家先出個馬蹄糕post﹗邊有人依家有興趣睇架﹗個個屋企都有啦﹗

做咩姐......(苦榮聲音演出)

可能......可能......可能有好多有心的blogger唔嫌棄呢~

又可能......可能人地d糕一早食哂想試下我呢款呢~~~

咪嘈啦﹗睇相~

我蒸左三底，幾驚衰啊~

今年的馬蹄粉無減價喎、馬蹄又唔平喎，蒸衰左真係肉都痛埋~

好在，成功﹗而且隻色比舊年果款好，因為我終於都落左生平最怕既吉士粉~

咁先有金金黃黃的色架嘛~~~

加埋阿年，係咪有番d新年feel呢？阿年年有魚呃嘛~

ok﹗試食結果顯示，凍食好煙un、煎香黎食會食到腳un un~~~

明日大年初一，祝大家牛年家家豐足、歲歲平安﹗恭喜恭喜~