咁0岩我冰箱有急凍的鮮熱情果肉(急凍又點鮮呢？就係當佢好新鮮既時候急凍佢囉)

咁0岩我又將個雪糕機膽雪夠24小時

咁0岩我有心情整

咁0岩我要清冰箱

咁0岩胡先生鐘意食雪葩多過雪糕

最後？最後就咁0岩整左個「熱情果雪葩」囉

這個雪葩的做法好簡單

熱情果籽係食得架，卜卜脆

食譜稍後上載吧，我依家要趕工整order蛋糕~

食譜參考自<我愛冰淇淋>

材料﹕水80ml、黃糖80g、熱情果270g

做法﹕

(1) 預先將雪糕機膽冷凍24小時，將水及黃糖煮至融後放涼備用

(2) 切開熱情果掏出果籽及汁，加入步驟1的糖水裡；雪凍備用

(3) 啟動雪糕機，徐徐加入步驟2的凍物，攪拌約20分鐘即可置入冰凍盒內結凍

小撇步﹕

邊開動雪糕機再加入凍物，否則倒入凍物後很快就會邊邊凝固，影響口感。

煮過桃的白桃酒，少了酒味卻添了桃的甜香

做成啫喱，多加兩片酒煮蜜桃

入口冰涼、滑潤，實在是炎夏消暑的好朋友

我發現任何流質的，都可以做成啫喱

之前做過的梅酒凍、白酒凍、今次的白桃酒凍

下次可以試下紅酒凍了~

心情是很焦急的

一來希望遇上的疑問可以盡快解決

二來振災確是刻不容緩的認真事

在FB上提出了振災的查詢後，得到可靠的朋友支援

正等候朋友的詳細回覆

等待的過程，製作了這款軟心巧克力

微甜帶點回甘的苦甜巧古力，遇上麥芽糖與淡忌廉

成為入口即溶、令人一試難忘的美味

可以的話，請採用新鮮蜜桃

今年蜜桃跟車里子當造，可以說是非常好吃和便宜的水果

買不到的話，罐裝黃桃當然也是可口之選呢

材料﹕蒟蒻粉15g、蜜桃1小罐、糖霜40g、檸檬汁(1個檸檬的份量)、檸檬青半個、熱滾水330ml

做法﹕

(1) 蒟蒻粉+糖霜拌勻，以大熱滾水沖開至沒有粉粒；加入檸檬汁及檸檬青拌勻

(2) 注入已放好蜜桃的果凍杯，冷凍後即成為冰涼的桃之蒟蒻

我記得很久之前有過這樣的一個廣告，一把小朋友聲在問「紅莓婆婆呢？」

那時侯真的很想試一試這位紅莓婆婆牌子的紅莓汁

可惜當時年紀小、未有獨立的經濟能力，只能光看著廣告發呆

今天，慶幸有能力掏個十元八塊買自己喜愛的東西，偶爾討自己歡喜

還有能力將紅莓汁變成紅莓果子呢~

紅莓汁其實酸溜溜的帶點澀味，要是能夠在當中加點蜜糖中和一下

味道就易令人接受多了

誠然，人的性格也是異曲同工

走極端的確難以令人接受，如果加點什麼來中和一下，身邊的人也就最受惠了吧

不明白我所說的是什麼嗎？不要緊，要懂的人自然會懂呢......

近來有一個機遇，讓我再做一次這款夏日佳品

不為什麼，只為對自己一個交代、對料理的一份尊重(都話不為什麼，就算唔明都唔好問我呢句講咩咩咩咩咩咩~~~~~)

講番個甜點，其實做法唔難，係多少少野攪下咁解

陳媽媽話賣相ok啊，味道係好清新既~

其實好耐之前整過一次，我個人黎講，比較喜歡上次的造型

唔係話呢個唔好，而係，你明唔明？

就好似第一輯好似硬係好睇過續集

陀槍師姐I比陀槍師姐IV好睇好多......

烈火雄心I好睇過滅火雄心IV......(你地留意下，個旁白真係好似講「滅火雄心」架)

係囉...咪就係咁囉......

想試做看看嗎？食譜在此「紅莓凍配小丸子」

佢話似合桃日蝕過程，唔講唔覺，一講又係幾似~

抵得佢咁有創意......

特別鳴謝BB先生，你獲得一個合桃蛋糕既命名權

夏天的料理，最好就是無火煮食

最近我的怕熱指數急升，能夠不用火我都會盡量配合

今天，想到了一個微波爐料理

其實之前已經介紹過在Jusco買的叮叮蛋糕，原來加入合桃及朱古力碎

味道可以如此搭配及對胃口呢~

還玩了造型糖霜......呢個係叉~

呢個係唔知似咩~(依家改名為﹕BB蛋糕)

haha~唔好問我呢個咩符號......總之幾得意幾好玩咁囉~

只需叮1分鐘就OK喇~

包好一個個，送比朋友打打氣﹗

結果是非常成功而且很對胃口

更重要的是不用開火、做法好玩、成品吸引

這三個重點加起來等於什麼呢？等於要Encore多做幾次囉......

就像這張照片的做法，用保鮮紙包實及束起來

冷凍過夜，把保鮮紙打開，就成為大家看到的這個東東

很平凡的外表，卻內藏很動人的感動力

在這個炎夏，相信會成為我常做凍品的首位

你們想要試試看嗎？

材料﹕梅子綠茶粉1條(二仔有售)、魚膠粉半湯匙、凍水20ml、熱滾水160ml、檸檬汁2湯匙

做法﹕

(1) 梅子綠茶粉及魚膠粉先拌勻，以20ml凍水開勻，加入熱滾水攪至融化，最後拌以檸檬汁。

(2) 在一隻碗上包著保鮮紙，將2-3湯匙的步驟(1)注入碗內，將保鮮紙包起捲實扎好，冷凍過夜即可。

小撇步﹕可以180ml的現成梅子綠茶代替沖劑都可以

不吃肥之六、不吃林蔗蔗、不吃榴槤

今次何解要介紹這個榴槤mousse呢？

事綠有好友快要生日，自告奮勇要為朋友做蛋糕

問到朋友喜歡何種生果，答案就如朋友本人，估佢唔到鐘意榴槤口味

講得出要做得到，所以今天就一口氣完成兩個蛋糕

兩個？無錯，一個榴槤mousse cake給好友、另一個黑加崙子mousse cake給Hazel BB

蛋糕仍在冷凍當中，未做decor未化妝當然不能示人

但榴槤mousse cake多出的份量就做了兩杯純mousse

加上原本作為餅底的脆脆，成為大家見到的「榴槤mousse 」

陳媽媽幫忙選購榴槤，重點有二

第一要夠熟，咁先甜(我真係唔會試佢甜唔甜啊!)

第二要份量剛好，我的食譜只需200g，多少少我都唔想要，更加唔想佢留係我個雪櫃度啊﹗好在有陳媽媽幫我食埋多左出黎既小小榴槤，唔係我就慘喇......

有勇士想試做看看嗎？

材料﹕榴槤肉200g、奶50ml、淡忌廉200g、糖40g、魚膠片3片(約2g一片)、蛋黃2隻、檸檬汁10g、脆片及朱古力適量

做法﹕

(1) 魚膠片用凍開水浸泡，蛋黃及糖隔熱水打成忌廉狀，加入已浸泡的魚膠片拌溶

(2) 榴槤肉+奶打成泥，加入步驟(1)拌勻，再加入檸檬汁

(3) 將忌廉打起，加入步驟(2)拌勻後注入杯內，在面頭隨意放上已混合的朱古力脆片作裝飾即可。

小撇步﹕唔想一身一屋都係榴槤味的，檸檬個殼可以用黎洗番d用具，咁就可以僻味

近期我的最愛 - 水蜜桃

蜜桃的香甜令人感到很幸福

這個幸福甜點，相信沒有誰會抗拒吧

加上中間是真材實料的蜜桃蓉流沙，看到口水流嗎？

今次用果子粉代替Jelly Powder，Mr Robinson的jelly powder沒有蜜桃味嘛

做法可參照上次的流沙芒果布甸

只需換上水蜜桃代替芒果就好了~

果子粉可在二仔買到，用500ml凍水開勻加熱至微滾，就可以了

來為自己做個幸福的流沙蜜桃果子吧

唔知佢係學番黎定自己研究

雖然唔算複雜的做法，但要d心思

有機會食到呢個布甸的朋友，你一定係我好鍚好鍚既重要人物

呢個係我用傻瓜機影，都見到d流沙呃(雖然唔夠多)

下次我會塞多d心入去，等大家食到呢咁hea......

呢張係老三用大機影，我個人認為大機呢種毒，中得過......

我都好想中下毒，不過藝術家就會話我「你操熟依家部機先啦」

okok，大家繼續睇個傻瓜用部傻瓜機勁影勁影啦

流沙芒果布甸食譜來自syc204~Darling

流心材料﹕芒果肉 450g、檸檬1個搾汁、三溫糖2-3湯匙

做法﹕將上述材料打成果泥，將果泥雪入冰箱冷凍至凝固，切成正方丁後繼續冷藏

小撇步﹕做的時候最難我覺得係切正方丁，重點係落刀要快、唔好掂d果丁咁多，切完就要立即毫無疑問地將佢地隊番入冰箱。

布甸材料﹕芒果肉 120g、芒果jelly粉45g、魚膠粉半湯匙、花奶200g、熱水200ml

做法﹕

(1) jelly粉+熱水開勻，放涼後勺出少許jelly水開勻魚膠粉

(2) 魚膠溶液+花奶及芒果肉加入步驟(1)內成布甸液

(3) 將布甸液注入杯內至半滿，放入冰箱急凍5分鐘至表面凝固；取出放入一粒流心丁，再注入布甸液至蓋過流心丁，放入冰箱急凍5分鐘至表面凝固，轉放下格冷凍過夜，即可倒扣食用。

小撇步﹕步驟(1)要待jelly水涼左先好加入其他材料，唔係會一舊舊

如果你同我一樣，麻麻地奶味既野；我覺得流心可以照整，但布甸要轉過個做法。咩做法係最好呢？我都未知，哈哈，比d耐性......

小時候，陳媽媽就買過做雪條的膠模

記得有一段日子很喜歡用可樂做雪條，奇怪的事就發生了

明明是用正牌可口可樂做雪條(沒有加水)，但雪條的味道總是較啖，而且很多冰碎

陳媽媽煮綠豆沙做雪條，情況一樣，就是比較啖

後來，雪條得不到小孩們的歡迎，雪條模就慢慢消失

最近在日本城再遇見類似的模具，正猶豫要不要買來懷舊一下

未買之前，就向老三借了幾個東洋風星星矽膠模，做了幾粒Mocha Ice

成功為第一粒脫模，我看到星星的形態如此完整，實在高興得要拍照留念

看來蔡臻臻都很有興緻分我一杯羹呢

快門閃過的一剎那，臻臻看著Mocha Ice伸脷(好像牛奶妹的表情)

看﹗天氣熱得令剛脫模的Mocha Ice迅速融化

做法又是簡單到不能，只要將Mocha Pudding(更新版)的份量剔除魚膠粉，將混合物直接放進冰箱冷凍過夜，即可。

在夏天來臨之際，來個比賽吧﹗看你先融化，還是Mocha Ice先融化~

味道很好，但口感略嫌過實，相信跟魚膠份量有關

故此，我已更新食譜以改善布甸口感(吹吹吹~)

夏天裡雪糕、果凍及布甸都是家人的佳品

能夠自家製作的話，當然要做深愛的口味

我最愛咖啡口味的甜品，雖然，我很少喝咖啡

大家還記得這個牛奶樽嗎？

很久之前介紹過草莓朱古力Mousse，就是用這個作容器

到台灣旅遊時購入的，很少派上用場

雖然牛奶樽香港也有出售，感覺就是不一樣，也許是帶著回憶的感情分吧

布甸還未吃，味道如何仍是一個謎

有膽量有興趣試做看看嗎？

材料﹕練奶70ml、牛奶200ml、咖啡粉3茶匙、魚膠大半湯匙

做法﹕

(1) 將2湯匙的牛奶、咖啡粉、魚膠混和，隔水加熱至融解

(2) 將步驟(1)跟餘下的牛奶攪拌好，注入模具或牛奶樽，置雪櫃冷凍至凝固即可。

沒有什麼小撇步，就是簡單到不能的做法嘛~

食後感晚一步再跟大家匯報吧﹗

邊個分到以下兩張相，邊張係golden apple jelly、邊張係益力多果凍？

我係故意將兩張相都打個Golden Apple Jelly字眼架(吹啊吹、讓這風吹)

呢張係？

定呢張係呢？

聰明既你地，分唔分到啊？

第一張係真身、第二張係流架

我個人黎講呢、黎講呢鐘意益力多果凍多d，因為er囉就係即係譬如話齋好味d囉(呢d口頭嘽真係好引人犯罪)

做法好簡單

魚膠粉15g、你鐘意的liquid(咩都得、可樂都得)2杯、檸檬汁2湯匙/1個、蜜糖50g

將所有野mix and melt就ok架喇

唔明既留言呃，記住個口感呢(我又要唱「吹啊吹讓這風吹」)係煙un既~

夏天嘛，唔食雪糕就要食果凍﹗我話既~

我這樣喜歡五月天，如果發生在他們身上，我會怎樣呢？

相信也會相當難過吧(淚眼@.@)

但我不是為了紀念Mic Jack而做茶凍的，真的不是啦

之前介紹過這隻茶凍粉，我的食材櫃裡總有一包鎮宅

老三見我將茶凍注入模具就提醒我，這個不祥模、甩極都甩唔到

事實擺在眼前，我問你死未？﹗

靚到阿娘都唔認得

包茶凍粉係二德曳度買，好似$14咁上下

用700ml熱水沖開包粉，攪融就可以注入模具，唔好放一陣先倒入模啊

唔入雪櫃都會凝固架，比我銀包乾塘的速度仲要快

天氣咁熱又唔想開爐、開火？整呢d就最好不過......