為左慶祝呢一日，我整左一樣想整好耐的「不可思議食物」

豬肉乾

無錯﹗自製既之六乾

唔好問我點解你無得食，因為我整得好少咋~

第一次整，唔敢整太多(我驚難食嘛)

焗第一盤的時候我個心十五十六架~

因為一路焗、d肉汁就一路標出黎，最後我終於成功焗出第一盤

媽媽幫我買左$15-$20的豬肉，番黎教我將佢地剁成免治之六

加埋d醃料就開始攪、攪、攪、攪......攪到起膠(即係黏埋一齊唔易散開)

就用180度焗到兩面金黃(我鐘意食燶d，因為香口d嘛，所以我焗到個邊有d焦焦地)

我無用photoshop執d色架，加左隻字咁解；點解個面令架呢？秘密係兩個字

「蜜糖」

當你焗到一面已經開始乾身，拎佢出黎搓一層蜜糖再焗多5分鐘左右至乾

翻轉，將底果面重覆焗到乾身就得架喇~

想唔想自己試下整？比個食譜你地試下呃~

材料﹕$15-$20瘦肉(番黎自己剁成免治或直接買碎之六，媽媽話自己剁乾淨d)

醃料﹕1湯匙蜜糖、40克砂糖/黃糖、2茶匙魚露、1湯匙生抽、1湯匙紹興酒、1茶匙生粉、10克鹽

做法﹕

(1) 將醃料跟肉攪拌至起膠，分一半放在錫紙上，蓋上保解紙用麵棍look平身

(2) 預熱180度焗爐，將(1)焗至金黃即可

小撇步﹕上面寫哂喇，大家唔明既留言啦~我會盡快回答

(好緊張好緊張，我要去搵黑色衫先~~~~~)

呢樣野應該係咁多樣之中最受同事歡迎(屋企無咩所謂咁~)

呂太同陳太成日都話想食，今次連馮太同其他同事都話想食~

咁就整比大家食下lu~

咁耐無整，希望無失手啦~

其實整既時間唔耐，而且都唔難整~

之但係整完果d汁點安置以及一次過帶咁多隻蛋出街好攪笑嘛

所以我都係好久唔久先整一次，今次食左，下次唔知幾時先會再整架喇

可能.............可能要入秋lu~

食譜﹕香噴噴、熱辣辣~~~~茶葉蛋

大家d公司啊、朋友啊、同學啊、屋企啊~有無開party開到傻？

我公司尋日就開左party，曾幾何時我地都試過呢d gathering，對上一次大胃王carrie都仲未調上總會架~~

因為太多野食，引誘到我無影到d食物的全相

到我記得既時候，只可以影到幾款野食咋~

主角﹕茶葉蛋

今次重手左，鹹左d，不過仍然好味~ 

當然係有我的「yen之孖寶」啦~

仲有食得既聖誕老人啦~不過無切開到，因為太飽食唔落，留番聽日喎~

仲有萍姐的木糠布甸，雖然唔似老三整果d，但都好好味啊，好似食緊雪糕咁~~

唔止有得食，鄭小姐仲送出多份禮物，我抽中其中一份；而最0岩我果份由王曾氏抽到；係咩？咪係一大袋零食囉~

see~我抽唔到食既，天父知我呢期指甲成日反，所以比呢支勁滋潤的cream比我；oh~我都買左一枝我覺得好好用又實惠的hand cream比個friend~

你地呢？收到咩得意禮物啊？不如聽日來一個有趣禮物篇呃？

話說有一家人對於又爽又脆的食物特別有好感

二女為左過口癮，所以就去左買包即食海蜇番黎~

點知一打開個包裝，一堆好似橡筋既野就出現左喇

經過一輪加工後，終於都食得喇﹗

Well，我個人認為錢真係要比人讚架~

出去食同今次自己整，真係差得遠

唔係話d橡筋唔爽唔脆，而係d汁唔夠好味~

好明顯都關我事，因為我趕住番工，無咩時間整個汁

好啦，下次等我買d海蜇頭番黎bear水，再比心機整好個汁

因為胡先生都好鐘意食、我一家人都好鐘意食，唔比心機學整都唔得啦~

這個薯餅是在佳寶買到的，嗯，我覺得比老麥的薯餅都要好吃多了﹗

因為，感覺上不油膩，我都沒在用炸(沾沾自喜)

真的﹗我沒有用油炸，因為我家沒有抽油煙機，開油鑊炸東西全屋都是油呢(悲)

所以，我改用焗的方法，效果出奇地好呢

當然，用炸的口感會是酥脆，但用焗的是乾淨(沒油嘛)和爽脆

材料﹕笑笑薯餅1包、油1湯匙

做法﹕預熱焗爐200度，焗盤放上薯餅後用油塗面，焗至金黃色即可。

小撇步﹕塗上一層薄油是要增加脆脆的口感而且顏色會更好看；加一點茄醬更好吃

今日蒸開馬拉糕，就順手蒸多一碟滑腸粉

原來難度也不算高，不願等位飲茶的朋友，不妨為家人蒸碟滑腸粉、蒸多籠馬拉糕，配一壺淡龍井......不易樂乎~

材料﹕粘米粉160克、水320克、油30克、糖1/4茶匙、鹽1/2茶匙

做法﹕

(1) 將油加入粘米粉內拌勻，靜置15分鐘

(2) 將水加入步驟(1)的粉內，充份攪拌至沒有粉粒，過篩至幼滑，加入糖及鹽拌勻

(3) 用鋼盤鋪上不黏布，注下1.5舀的粉漿，隔熱水蒸3-5分鐘至熟，倒置在碟上捲成腸粉，即可食用。

小撇步﹕

(1) 粘米粉的口感較硬身，腸粉如凍了，建議番蒸至回軟，口感才會軟綿

(2) 有朋友會用米加水磨成米漿，代替粘米粉，聽聞口感更軟滑，大家不妨一試

(3) 一般會用綿布蒸腸粉，但我家沒有，所以用不黏布代替，效果令我很滿意

(4) 建議用15-20克油就可以了，今次油粉似乎多了點~

後來回到家因為天氣太冷(是因為我太懶才對)，所以抱著小臻臻、打打網誌

今天就勤力一點，再上載另一個食譜跟大家分享吧

小時候很少上茶樓，但每次陳爸爸都會點給我們吃的甜點 - 芝麻卷

芝麻卷

材料﹕黑芝麻30克、糖120克、馬蹄粉80克、粘米粉15克、水8安士、麻油少許(1tsp)

做法﹕

(1) 炒香芝麻，加水攪碎，過篩取芝麻水加入馬蹄粉拌勻備用。

(2) 粘米粉與糖混合，加入步驟(1)，攪拌至沒有粉粒，最後加入麻油，成芝麻粉漿。

(3) 將芝麻粉漿倒入9cm x 20cm的模內直至剛好覆蓋模底，大火蒸2-3分鐘至熟，取出如捲腸粉般捲至成菲林形，成可食用。

小撇步﹕

(1) 測試芝麻卷是否熟透可將牙籤刺進去，抽出沒有粉漿拈到便是熟透。

(2) 捲芝麻卷時，蒸面向下，卷出來的芝麻卷表面將更光亮。

可是一到外頭，寒風與微雨絕對毫不客氣的欺負到你的頭上來(~**~)

總算回到辦公室，風霜未除已急不及待的跟同事好友分享最近幾天開始在這裡整理過往的料理相片、食譜跟自家心得

同事以無限期盼的眼神說想要再吃到我做的茶葉蛋

還記得去年這個寒冷的時候，我剛好在研究茶葉蛋的作法，最後嚐到很不賴的味道便，帶了一些給同事們品嚐，誰知道她們一吃就愛上了。

我總會前一天晚上預備好茶葉蛋，翌日早上翻熱，與媽媽一起為它們添上銀熱，同事吃到時蛋還是冒著熱氣的，希望她們吃到的除了蛋之外，還有我跟媽媽的一番心意吧。

茶葉蛋

材料﹕中國蛋30隻

湯料﹕花椒、八角各1兩、冰糖2顆(中size)、老抽及生抽各2-3湯匙、鹽8-10湯匙、茶葉2兩、5-6杯水

做法﹕

(1) 將蛋煮熟後微敲裂蛋殼

(2) 將湯料煮至大滾，將蛋加入，大滾5-10分鐘便可熄火浸過夜，吃之前需翻熱。

小撇步﹕

(1) 蛋煮熟後可浸凍水，此舉能令蛋的外形較穩陣。

(2) 湯汁可用作滷金沙骨或其他肉骨類，帶茶葉香。

臻臻小爺仔在嬰兒車正酣睡中，看著這團小蟲(他睡相很像一條蟲)，臉龐肥郁郁的活像兩個小饅頭，很想咬一口(^^)

在這個冷入心的日子，一個新鮮出爐、肉汁濃厚的生煎包，可讓人溫暖溫暖吧。

生煎包(7-8個)

燙麵麵團材料﹕

中筋麵粉500克、鹽4克、油30ml、滾水300ml、冷水150ml

做法﹕

(1) 除水份外，將所有材料置於盤中；先注入滾水，馬上用筷子攪拌。

(2) 立即加入一半份量的冷水，一邊加入餘下的水一邊攪拌。

(3) 將麵團移到工作桌上，充分揉搓至麵團表面光滑。

(4) 將光滑的麵團置於一個已掃油的鋼盤，蓋上保鮮紙，鬆弛20分鐘，備用。

餡料﹕

脆玉瓜半條、鹹瘦肉80克、辣椒及蒜泥各少許、水2湯匙

做法﹕

(1) 所有材料切丁備用

(2) 下1湯匙油並燒熱鑊，爆香辣椒及蒜泥。

(3) 先下瘦肉粒炒至半熟，下瓜粒兜炒

(4) 下水繼續炒，至汁濃或瓜粒略軟身，即可。

合併﹕

(1) 將燙麵麵團揉搓成長條，分成8等份。撒上小許中粉，用擀麵棍將麵團擀成圓麵皮

(2) 包入適量餡料，將麵團收口，將收口向下，蓋上保鮮紙待15分鐘。

(3) 平底鑊燒熱1湯匙油，將生煎包煎至表面金黃，即可。

小撇步﹕

(1) 製作燙麵麵團期間需下冷水，初次製作的朋友可逐小將水加入麵團，並按麵團的濕度調較水份。

(2) 先加入熱水是為了減低麵團的筋性

(3) 麵團必須經過鬆弛的過程，否則生煎包的皮將變得太硬，欠鬆軟。

(4) 可先以抹油紙將油均勻塗於平底鑊上，以減少生煎包煎焗過程太油膩

(5) 應先煎生煎包的收口位置以固定生煎包的形態，煎的時候可稍為按壓麵團將之定形。

(6) 當煎至兩面都呈微金黃時可加入1-2湯匙的水，加蓋將之焗熟。

(7) 燙麵麵團適合製作蔥油餅、蛋餅、生煎包等中式麵點

(8) 這一次我選擇在雪櫃拿到現成的作餡料，其實可隨個喜好而變化，例如﹕蝦仁配九黃、牛肉配洋蔥、蒜仔芹菜配尤魚粒等，都很不錯吃的。

食譜改自﹕中式點心大全(編著﹕新鳳凰工作室)