也沒有顯赫的婚宴排場

期望做到的就是窩心的幸福感覺

雖然結婚之後我們就一貧如洗

一貧如洗之前，新娘子仍然要整一整靚指甲

多謝為我重出江湖客串的Abby小姐，幫我整左十隻靚指甲，仲要勁優惠價錢﹗多謝

即使我地要捱一段時間先可以經濟上鬆一口氣

但

有老大、老三、媽媽給我們大氣電波的結婚禮物

有胡先生三度求婚的承諾

我知道我們有能力去過幸福的生活

今天就是倒數最後一天，12月6日這個時侯請大家稱呼我一聲「幸福少奶奶」

我地都無立即試身，反而坐定定對望係度聽「久久久但願人長久」

一路聽一路都好感動，我好快已經失守喊到爆

當我喊緊既時候，原來胡先生都已經流眼淚....

再聽網上重播都依然好感動、依然流眼淚...

衷心再次多謝各位

小時候成日都吵吵鬧鬧

到我出身，開始工作的時候，又有段時間出街番工多過係屋企

我記得真真正正一家人好開心咁影大合照

係陳爸爸做完腦手術之後，2006年陳爸爸離開左我地之後

有一段好長的時間無真正開心過，有時大家都知道各自都好掛住佢，但好少會傾

今日四點幾既時候，我收到一份好好好感動的結婚禮物

係屋企人送比我

呢樣野大家都可以分享到

只要今個星期五，1-2pm聽商台的「但願人長久」就會知道

我要講

好多謝老大、老三，好多謝陳媽媽同胡先生；仲有Linda同銀行阿娟(阿葛，你明既)

有時我覺得自己好多唔完滿，但我知道今後的生活我可以學習接納呢d，再學去欣賞多d；多謝你地......

有時唔係一定要從大公司先買到心儀既東西

反而留心身邊一d小小的手作仔，可以更合用、更窩心、更有人情味

黎緊，係我結婚之後會join一個Big Party做義工

當然負責番我比較有經驗的cooking and food preparation、或者會做埋cooking and Jam demonstration(咁到時大家就可以見下我呢個神秘人，我好少露面係d大場合)

除左有我地負責的料理之外，今次的Fiesta會有好豐富同特色的內容

包括﹕香薰製品、手功肥皂、布藝花藝、handmade飾物、手繪畫等等......

除左去當join一個party之外，合眼緣的話仲可以買d禮物送比身邊人同朋友；而且唔係一般街外可買到的東西，大多都係人手handmade架~

如果大家有興趣想知多d，請私人留言比我~~

我番埋今日就放假喇，好爽~

感覺係咁多次放假最開心最快樂

當然因為好事近，二來已經預備好去旅行

到時希望可以睇到落雪......

雖然我會好掛住媽媽同小臻，同時我地會enjoy我地既假期

BIG DAY當天應該會有少少雲，但睇到好似會有陽光；氣溫係18-22度

仲有4日......期待......

眼見時間剩番個位數字，真係好開心

早幾日分別陪媽咪、我妹(伴娘)、胡媽媽去final fitting

尋晚同傻芬去左拎兄弟姊妹既襟花、手花

仲有小臻既花球仔、花車裝飾同車頭公仔

我一個人拎番屋企，原來我真係幾大力...

我又買左d囍字貼比媽媽，陳媽媽見到好鐘意，我估貼起哂成間屋即時好似過年咁

番埋聽日我就正式放假喇，真係好期待重獲自由(一段時間)的一刻

見到一條banner雙眼立即發光

「登記成為電郵雜誌會員，即可得到1000日元的積分」

即將成為C9仔既我，有著數當然會有興趣知多d~

網站裡面有d係私私縮扒見到又唔捨得買既日本雞蛋、菜、蕃茄

最重要係咩呢你知嘛？係個網站有中文翻譯架，我有時行jusco見到d食材係日文都會灰灰地，都唔知佢講咩，呢度就少左呢個麻煩~~

所以就登記囉，唔複雜，幾個step就攪掂(有興趣去呢度了解多d﹕OISIX )

原來除左1000yen積分之外，仲有每週特別推界；心郁郁就訂左個菜籃同一d整蛋糕曲奇既食材；今次我訂左個中size的菜籃，比credit card果時好開心，因為1000yen積分即時扣埋，平左成千yen去買個菜籃*0*

邊個話送上門既就唔矜貴架？

上星期三訂，今日就送上門(呵呵)

上星期五收到速遞公司的電話，姨姨同送貨黎既兩個哥哥都好禮貌

約定今日7pm左右送到上媽媽屋企

小臻見到個箱好開心，好似收禮物咁

一打開個箱就連老三同陳媽媽都好開心...超勁啊~

個packing有好多蔬菜，聽日收早我決定用佢地整番幾味~

不如同大家介紹下呢~呵呵~

日本直送既大大隻蕃茄、好似剛收割番黎既大根、菠菜、蓮藕、舞茸、日本蕃薯

仲有豆渣粉、蜜糖牛油(用黎整曲奇、muffin、蛋糕，一定好香好好味)

呢袋野係咩呢？你地估下......

3

2

2個半

1

開估

係用黎包住我六隻日本雞蛋既保護紙

好細心，一隻蛋都無爛到......

有佢地，我既嫁女餅唔好味都幾難~

好期待用佢地整出黎既料理，唔知會唔會唔同d呢~~

後記﹕上個禮拜訂左先收到通知優惠yahoo blogger，訂菜籃額外減多2000yen；今日收到enews，25/11訂今期有機蔬菜組合(中size，即係我訂呢隻)即減1000yen，有限quota架。

只需要係最後落單頁面的「詢問，備註，Campaign Code」欄填入活動代碼1000日元就得架喇，睇黎我好快會整哂呢盒菜，但要honeymoon完番黎先可以再訂lu~

尋晚send哂比同事，好多都回應話好sweet、好靚

要多謝攝影師simon的用心拍攝

更要多謝藝術家拍硬檔幫我design

仲要攪埋ecard sending的安排

十萬個多謝

晏d，晏d我會upload囍帖同ecard上黎比大家睇~

尚有2星期就係我地的BIG DAY

眼看好多野已經ready，但心仍然十五十六，好似好多野未完成咁

我信只有過左BIG DAY之後，呢種感覺先會平伏落黎

以過來人的身份，如果你性格趕急又要求高的話

奉勸各位打算結婚的朋友，千萬不要將婚期訂得太後

由胡先生求婚到依家，已經有年半的時間

原以為時間多d好做野，實際上會有好多變數；時間越多、變數越多

而且好多野唔可以太早預備

我地同一年買樓，但加加埋埋都係九個月時間完成

所以大約半年至九個月時間，我覺得好perfect

原本想自己親手整回禮禮物，但受到好多人的禁止

因為婚前幾日好多野攪，佢地要我休息都唔可以攪咁多野

但實在好希望可以為自己的婚禮做一點什麼(唔整回禮禮物，我就喪整嫁女餅~)

所以在未能自製回禮禮物的情況下，我搵左Bonnie幫手

無錯，係Yveskitchen的Bonnie

上星期我地約左係小屋見面傾回禮禮物的樣式同試味

尋日收到demo相片我仍有idea想改一改

始終一生人一次，加上要求高的我，今次真係辛苦Bonnie

希望最終出黎既效果令大家都鐘意啦~

在新居裡，已有聖誕裝飾

紅莓香氛在空氣中散發著淡淡的節日氣氛

還欠一點聖誕音樂......

冷空氣今年提早來了~

聖誕也提早來了......

祝聖誕快樂

我出名小丸子迷，點會唔出手呢？

一個開心樂園餐+$8換一隻

我對於其他十幾隻無咩感覺，隻隻都差唔多款

但特別版既和風小丸子就唔同講法

我換左喇~

你換左未？

終於換到隻鬆弛熊杯，本來想要隻雞仔杯，但都係鐘意呢隻藍

所以有機會先再換你喇雞仔......

見到有個男仔抽到jumbo啊~其實我都好想換......

珠珠的確係一個不可多得既好同事、好朋友，雖然相識唔耐，但好信任佢；所以將呢個重任拜託佢

幾經波折，同事們終於都囍帖到手

聽聞同事對囍帖都一致好評

加上尋晚陳媽媽收到朋友既電話，話見到張帖相知上面係咪我小時候係荃灣影既相；見張帖能夠勾起佢地舊時的回憶、成為話題，我想講已經達到目的了~

其實由一開始搵藝術家幫忙設計囍帖，呢張帖既模樣已經係腦中塑造了，只係我唔識得表達，要麻煩藝術家修改一次又一次，佢無發我脾四不特止，仲好爽手幫我修訂而且四出搵報價、買禮封、襯色......

好好好多謝佢﹗你是最好的，你知道嗎？

收到囍帖既同事親友，下月六日記得早d到啊~

因為旅行的興緻被一隻扮人類既奇里野打擾了

但跟得胡先生多，我都學習正面思考、令自己同身邊既佢都快樂d

今次住威尼斯人，聽好耐話勁貴又非常之豪華

你地睇~

由房去廳係要行兩級樓梯

客廳一台TV、房一台TV

真誇張~

但窗外景色就......developing country

我地又番去豪華世界~

廁所大到有企缸、浸浴、連坐廁都要係另一個room入面

我覺得呢間套房同我地屋企一樣大......

check in時酒店送左$200coupon比我地，原來可以去食哈根die用架~

係呢個view的襯托下，我地食一個平時唔會叫既set

仲要食食下先發現我腳邊有船~so寫意*0*

oops......

就係呢個set，個雪糕下面既cune好脆~

但個雪糕蛋糕唔好食~

晚餐去左船屋食，有一種葡國特色飲品(紅酒+生果粒)，幾好飲~

食完仲有著名木糠布甸(我唔識欣賞)

胡先生話好滑喎......

第二日仲食埋

雪葩(芒果蜜桃+紅莓)

葡撻(好味到爆)

咖哩牛腩米

呢兩張相我好like

馬交之旅我地揀d小巷去行，避開誇張既人潮

感動有一份出人意外的寧靜

後來將拎餅既重任交比阿仔同藝術家

今日遲左dd番到公司已經見到大家食緊餅

希望大家食得開心

有時間的話，我會再整d homemade點心請大家食架喇~

(其他中心負責幫我派餅既同事，請大家記得幫手派餅喇)