well......把鬼啊把鬼啊~

你知嘛？果d紙杯仔既生命力仲弱過我條村d花(動物之森)，一放個漿入去就扁哂，結果我把心一橫，用番哂自己d鬆餅紙杯，所以由18個小蛋糕變成四個正常size鬆餅

口感係so far so good啦，外脆內軟，享受double up(好似唔知咩廣告有句咁既野，有無blogger知道？請告之~)

最後既結論係，我唔會再買黎整，下次都係自己攪份量無咁嬲~

係傻芬小姐今早送比我架，開心得我呃﹗

佢話其實整呢盒朱古力比整其他作品容易，但一睇到佢d針子就知道對我黎講係難度9.9

傻芬﹗你要加油，做個賢良淑德既好老婆啊~

同場加映陳家既賢妻良母陳媽媽買給我既豆花，好味﹗

陳媽媽今次整呢味野，樣樣都係我最鐘意食，炒埋一碟、色澤豐富，仲要味道一流，一開飯個個都攻呢碟野，希望快d再食到啦~

你地幫手比下分，鼓勵下陳媽媽啦~(10分滿分的話，你地比幾多分呢？)

佢圓嘟嘟既身形、攪笑既公仔，平時我唔捨得用架，不過今次整我最愛既OTea凍就無計啦~

我想用呢種飲品整果凍好耐架喇﹗今次終於的起心肝做起~(事源我mou係廚櫃前面睇下有無就到期既食材要用，又比我見到幾包紅茶包，又見到雪櫃有個檸檬，咁咪......咁咪......就咁囉~)

well，由於本人鐘意OTea走甜，所以是次果凍的味道係零甜味既~~(傻眼)；不過以下介紹的食譜內我已加番糖份，大家可以按個人喜好再自行配方啦~

一點點黑色既唔係dirty，係茶葉黎架，都係我唔好，無過篩就注入模具......(滴汗)

材料﹕檸檬汁1個、紅茶包2個、蒟蒻粉30克、大滾熱水700ml、糖45克

做法﹕紅茶包先用大滾水焗出茶味及色，再混入糖至融，最後沖開蒟蒻粉，加入檸檬汁並攪至沒有粉粒，即可。

小撇步﹕如有茶葉碎，需過濾後再注入模具，會令外觀更好睇~

之前整過雪花芒果卷、整過草餅、整過紅豆糯米滋，今次整呢個糯米滋加左芋頭味香油，就成為暗紫色香芋糯米滋，餡料係日式紅豆泥，正﹗好味﹗

材料﹕芋頭香油3滴、糯米粉130克、椰汁200克、糖65克、手粉適量、紅豆泥適量

做法﹕

(1) 除手粉及紅豆泥之外，所有材料勻和，置微波爐叮2分30秒，放至微暖待用。

(2) 紅豆泥搓成小圓球，將糯米團分成相若的小團，包入餡料，滾在手粉上成可。

小撇步﹕

(1) 手粉有現成出售，但我喜歡將粟粉白獲炒熱成為手粉，因為口感較細緻。

(2) 紅豆泥可在吉豬島十蚊店有售，這款較易搓成小團，如太濕可白獲略炒片刻，乾乾地易搓d~

仲係九號，好似好耐都未見過九號風球喇~

上一次好勁既風係2003年既杜鵑，今次睇怕都係全年最勁既風lu~

今日你地做過咩野啊？我整左糯米滋同咖啡千層糕，遲d會post出黎比大家睇下架喇~

聽日會唔會因為隻鸚鵡既外圍雨帶而導致大風雨呢？

最好既朋友當然係冰箱啦~咁到底要整d咩先係最好味又懶既呢？

咁就當然係將排益力多隊入冰箱，由佢地自由發展成為美味可口既益力多冰啦~

真係肥媽話齋「你話有咩做呃？做完喇﹗就係咁之嘛，我係廚房CEO，有咩咁難？」

see......完成了，最難都係剪開個外殼，我都整傷左隻手指，不過值得架~勁好味﹗

好味到我個動物之森都出彩虹啊~

天文台剛提出明早改掛八號機會不大，我認識的群體之中，絕大部份是夜已闖四方城、預備徹夜不眠；皆因大家都在等候這個傳說中全年最強的颱風降臨；如果真的下午才掛八號的話，天文台不被轟至體無完膚才怪。

來，開個盤﹗

我估6時前會掛八號(雖然我希望全日都沒有掛八號，因為工作性質的原故，將受到頗大的影響)；胡先生開盤12nn會掛，休半日市；你覺得呢？

陳媽媽成日話呢d野好熱氣，唔係好比我地食，可能因為越唔比我就越恨食，每次食既時候總係會想起陳爸爸食得好開心果個樣......

今次我整左個陳媽媽都食到既唔太硬唔太實米通，見媽媽都肯食兩舊我就知成功左，因為呢款我加左可可(媽媽唔食可可或者之古益架~)

材料﹕棉花糖100克、可可米200克、牛油30克、可可粉1湯匙

做法﹕棉花糖及牛油隔水煮融，加入可可粉及可可米拌勻後即可造型。

小撇步﹕

(1) 棉花糖融左之後好難控制，黏埋d可可米就更加一發不可收拾，所以記得一直都用木匙攪動，到已經攪勻就即刻帶手套幫佢造型。

(2) 最簡單既造型係壓入長方形鐵盤，用重物壓實；或者搓成小球都可以(唔好太大粒，好難咬架)

(3) 造形後要雪凍一個鐘頭先好切開，因為要令棉花糖凝固

最近我買左雪媽媽的麵包書，入面有介紹一隻牛奶紅豆包，我就諗加抹茶做咪會好和風囉？咁就大膽自己改下個食譜，整左呢味野~

其實唔算成功，因為口感仲係唔夠軟熟，加上要做中種麵團，所以拿捏得未夠準確，下次等我成功研究個配方再公開食譜啦~請啊~~~~

聽講洛神花有幫助消化作用，雪凍黎食又涼朕朕，好消暑既感覺

炎夏之中能夠吃一口健康果凍真係人生一大樂事~你仲唔黎快樂一下？

老實，我一向都按照指示同份量去整；特別係一d我少整既野，例如﹕豆腐花；今次我係呢間野買左包石膏粉，照哂指示去做，點知訓醒一覺都係豆漿，一d都無想凝固成豆花既意慾﹗

跟住我打電話去問佢地點解會咁，個店員話佢地唔會用呢個方法整(我即時問佢咁為咩要寫出黎？﹗)，之後一句對唔住都無就叫我試另一種佢話一定得既方法整﹕

石膏粉同生粉一樣加水開勻，豆漿照煮熱，兩樣一齊撞入大碗

結果？哼......你睇我張相寫果幾隻字就知，把鬼啊﹗(吼)

想打個email同呢間野講番件事，佢地得個電話，聽電話果個又係亂黎既﹗真係激死我

無下次啊，我唔會再買呢隻野

不過，我真係好多謝呢位仁兄，因為對我黎講，呢一種係認同及支持既行為；當然大家既留言都係我既推動力啦，見到你地既留言或者將我既post推介比別人既時候，我都會好開心好開心

拿，個人開心喇喎，就自然整野食都快手d、又好味d、又靚d、又多鬼主意d啦~所以大家都多d留言比我，等我努力d喇~

佢既酸酸甜甜好醒胃架，聽講有補血的作用(0岩我地)；除此之外，洛神花更具有解熱、抗高血壓、治療肝病、平衡身體內的酸鹼 值的效果；咁洛神花到底可以點樣食用呢？

原來可以用黎做果醬、整果汁、曬乾用黎沖花茶、醃製成蜜餞，甚至加糖發酵做酒添啊......咁當然唔少得我最鐘意既果凍啦﹗

我今次就介紹整洛神花果凍~

有留意我個blog既朋友都知道我鐘意用海藻粉或者蒟蒻粉整果凍，因為我鐘意個煙煙unun既口感，而且糖份可以自己控制，食得健康又放心；今次既洛神花果凍係蒟蒻粉整，我係買package，所以按照包裝指示做就成功喇~(700ml大滾熱水沖開d粉就ok喇)

可以整起之後放入盒子冷藏至凝固，再用模具cup個樣出黎，話明洛神花梗係整個花花樣先啦~

我就係用呢個模架喇，好洗好用~~

洛神花果凍粉於烘焙專門店有售(我係二德惠買，唔貴架~)