香港新浪網 MySinaBlog 精選話題工具
« 上一篇 | 下一篇 »
yen | 15th Jul 2010 | 簡易晚餐 | (836 Reads)

平日放工番屋企已經好攰,久不久還要為朋友仔預備tailormade的bakery/橡皮圖章

依家仲要咁熱,日日都出酷熱天氣警告,晚飯當然係想越簡單越好

早一排要番學,出街食得多真係發覺無咩好選擇(貴既又唔可以日日食嘛),而且出街食得多,肥左好多磅啊......

為左要自己同胡先生減磅、儲肥d銀包,我呢排都係屋企煮

星期六、日,抽d時間預早整定一d送菜,平日翻熱、炒多條菜或者滾番碗冬瓜粒海鮮湯就已經好豐富喇~

今日同大家介紹一下好味又方便,但睇落好多朋友都以為好難既菜式

紅燒牛白腩、酒糟醉雞翼

紅燒汁係用李敢記出品,我覺得有d甜

所以用半杯汁+半杯水,另加冰糖及即磨白胡椒已夠味

牛腩我買牛筋+牛腩各一半,因為胡先生好鐘意食牛筋位...

將牛腩牛筋以薑蔥汆水、瀝乾備用;燒開汁料就加入牛牛,煮15-20分鐘即可加蓋焗至涼,食之前再翻熱即可

醉雞翼我用巴西急凍雞翼(其實雞檔雞翼會好d,但今次的雞翼係用冰箱儲備)

汁料係用酒糟,真係好味過普通醉雞汁而且更香酒味

做法係雞翼解凍後用鹽抹一抹,汆水後浸在冰水中,汁料另外煮滾(2份酒糟+1份水+半片冰糖),兩者各自放涼後,將雞翼浸入汁料並雪在雪櫃過夜就可以食喇~~

凍食又得、叮番熱都好好味架~

酒糟我係大昌買到,好似係$15@;分幾次用,抵好多;而且浸完雞翼果d汁料可以翻用多一至兩次,但會越黎越鹹(因為水份少左),試過自己較呢個汁,就唔想再買現成料架喇

都係果句,基本就係以上講既份量,多多少少要按你用既雞翼、個人食味喜好而調較呢;Enjoy Cooking~~

留言或看更多相片,請到fan page --> yen home bakery