咪睇個heading又以為同食無關，你咁諗就錯哂左啦~

作為一個有良心既工廠東主，好應該係開工之前餵餐飽飯過d工人食既~

所以，係開工之前，我煮左兩味等工廠妹、工廠仔食飽飽

你咪睇佢有兩隻大蝦以為貴野，其實佢下面果堆係......

玉子豆腐~~(哈哈﹗打邊爐用剩，食埋佢唔好哂~)

大蝦係急凍珍品，無送既時候用黎扮有錢佬(食飯有大蝦食，我覺得係有錢佬所為^^)

蒜味牛仔粒粉翠玉瓜

重點係d牛仔粒要大火封面，咁就唔會老過太皇太后喇~(郭太后死得太兒戲喇，我以為佢扮死嚇馬大將軍添~)

食飽仲唔開工？等咩啊~(工廠妹陳小姐、工廠仔胡先生)......

我鐘意「給女孩一個家，就是嫁」

我未見過咁大疊餅卡，胡先生一邊將d餅卡入落d禮封度，一邊慫恿我快d開餅店同美心打對台；睇黎結婚壓力真係好大，大到胡先生開始胡思亂想......

胡先生有份封利是架，如果大家收到有一封係打孖入兩張錢既~

好可能係胡先生做既好事~嘿嘿﹗

嘩~嘩~嘩~

多謝統籌同姊妹首領協助裁左咁多張name label，一定要影番張相比你地睇下個場面幾咁宏偉~~~~~~

d帖只係入左部份，希望快手d送帖比大家啦~

仲有最後一個月!!!!!!