香港新浪網 MySinaBlog
yen | 31st Jan 2010 | 橡皮圖章 | (325 Reads)

我相信有好多朋友都喜歡生活雜貨

初初愛上自家製料理時,從沒想過自己可以做出令人回味的美食,甚至現在創作食譜、進行食品拍攝及設計,每一件事我都覺得好新鮮、好有挑戰、好有趣

從生活中感受趣味,是每天快樂、幸福的原動力

偶然機會下認識到bonnie,她帶我走進一次又一次的手工世界

在小屋裡認識了一班志同道合的手工藝人,從她們的身上我看到對生活某種堅持,我在學習......

今次跟她們一同學習做橡皮圖章,要多謝bonnie的安排、多謝泡泡茶的教導,

看我們上課的花絮吧~

第一次雕刻,就是這個鳥籠

泡泡茶說很難得我可以用筆刀雕空鳥籠那些細緻的地方(好開心~)

班長bonnie在指導我如何修飾鳥籠的鐵線位

完成後,用這個我最愛的綠茶色印台蓋出我生命中第一個橡皮圖章印~~

oh...老師說很不錯哦~~

這只是我們的堂課,還有兩隻小鳥家課未完成

今天跟mandy、yvonne買了工具,開工~~開工~~~

點解今天又會見到bonnie她們呢?因為我們又上堂(哈﹗好充實的1月尾~)

今次我們還預備party food招呼同學們,想知道詳情?明天吧(因為我要雕圖章喇~)

想ADD我facebook的blogger,可以用這個來找我﹕yen.homebakery@gmail.com


yen | 31st Jan 2010 | 中式甜點 | (1667 Reads)

星期六去左Bonnie的小屋上堂

為左好耐無見既朋友仔,我準備左自製薑糖

我發現有唔少blogger都有一個共同問題﹕

(1) 無微波爐可以轉用蒸嗎?

(2) 蒸完成pat野好難成形

嗯...關於呢個問題,我有少少意見~~

原則上可以蒸既,但質地應該會同年糕一樣,黏得好緊要

問題係,就算我用微波爐叮都會係一pat好黏既

我會將佢地成pat用大匙羹大力攪一陣,然後推佢去堆熟糕粉盡快攤開,如下圖

當佢可以全面掂到糕粉,你可以等佢靜置一晚

第二日你再睇下佢,就會firm好多(如果我地既皮膚可以隔晚就firm哂,你話幾好呢?)

呢堆就係我剛切完既初形手工糖果

今年新年,我會整定d放係全盒(haha,bonnie成日提我係全盒唔係傳盒~我會記住)

再提提想學整薑糖既朋友,手工糖果要拍走多餘既糕粉

我會用篩「dun」走多餘既粉,好方便~

pack好我就帶埋佢去上堂lu~~

想知我上咩堂?留意明日既post吧~

想要薑糖食譜?請看自製薑糖

想ADD我facebook的blogger,可以用這個來找我﹕yen.homebakery@gmail.com


yen | 30th Jan 2010 | 簡易晚餐 | (176 Reads)

點解?

點解我明明唔食魚,呢兩晚都煮魚呢?

點解我明明好怕腥,又要落手去為d魚肉調味呢?

點解我明明收工好趕,都係要煮飯,仲要煮呢味魚野呢?

因為......

我只想(你)身體健康~~

係facebook竟然有朋友識得同我唱落去,陳先生,你好威啊~

為左令到老公大人身體健康d

我決定盡可能每日都煮飯同比魚佢食~

今次係買打起左既魚肉,自己加d日本麻油、胡椒粉、馬蹄粒同蔥調味

再用匙羹一個個圓波,燒熱鑊將魚波按扁,煎至兩面金黃就得喇~

下一次整魚咩好呢?

 

想ADD我facebook的blogger,可以用這個來找我﹕yen.homebakery@gmail.com


yen | 29th Jan 2010 | bakery.special for u | (111 Reads)

早兩日收到一位好朋友緊急的order

為佢既嫲嫲生日做cupcake

老人家好潮,喜歡四圍去、願意試新野~

所以好朋友話想比嫲嫲試下我整既cupcake

咁比面,我又點可以馬虎了事呢?

好朋友要求topping以pink為主

為左感覺望落喜慶d,我用左紅色既cupcake杯

希望老人家喜歡乖孫女呢份心意啦~

一個小時左右,就完成兩盒cupcake

今早安全送到好朋友手上,唔知大家0岩唔0岩食呢?

仲有好朋友另外一個order,放心,已有design了~~~

 

想ADD我facebook的blogger,可以用這個來找我﹕yen.homebakery@gmail.com


yen | 28th Jan 2010 | 簡易晚餐 | (84 Reads)

兩夫妻悄悄話(下集)

先生﹕嗯......tips please~

太太﹕我唔食既(奸笑中)

先生﹕魚﹗(好老定咁坐埋位等開飯)

太太﹕飲湯啦~(被一野估中有d無癮......其實我有好多野都唔食姐,咁都估中架?﹗)

我發現老公病多左,成日都好似感冒唔清咁

唔通因為食少左魚?老老實實,我自己唔食魚又好難成日整

不過結婚成個月真係一餐魚都無整過有d說不過去

所以收工就去街市整條魚滾啖湯留住老公個心(哈﹗)

呢個湯唔難整,最難係咩呢?

係去揀魚同克服我對魚既恐懼

熟悉我既朋友都知道我好驚d人以外識郁既生物(係啊,蚊都好驚架~)

益智問題﹕游水魚阿yen驚唔驚呢?

答案﹕驚x1000

所以我決定買直魚,老公鐘意食蕃茄,就整個蕃茄豆腐魚湯

呢個湯我加左大豆芽,仲加左兩片薑僻腥添

想學整嗎?

除左個魚湯,我仲有炒條菜

仲有呢個惹味牛肉金菇煲

奶奶買比我地既牛肉好靚,加埋惹味的麻辣醬爆香,老公食得好滋味呢~


yen | 28th Jan 2010 | 幸福生活點滴 | (113 Reads)

兩夫妻悄悄話

先生﹕太太,我番黎喇(先生剛收工開門入屋)

太太﹕換衫、洗手,食得飯喇(太太在廚房「畢」緊野)

先生﹕嘩,好香喎,煮咩啊今晚?(無論太太煮咩都會讚好﹗係facebook讚好~)

太太﹕你估下你一定估唔到我煮咩……(太太在懶得戚中~)

到底呢位太太煮左d咩呢?今晚開估啦~d相要今晚先可以upload~

如果開一個facebook,大家有無興趣add呢?

有興趣的請留言


yen | 27th Jan 2010 | bakery.special for u | (118 Reads)

一直都有限定接受朋友們的order

今早收到好友傻芬小姐的誠意邀請

為她快將生日的嫲嫲送上慶生cupcake

由於時間緊逼,要今晚開工~~


yen | 25th Jan 2010 | Homemade Jam | (332 Reads)

要homemade jam其實唔難,難就難在你有無耐性去煮

有煮野習慣的朋友就更加易如反掌,買齊材料就可以開工

我鐘意星期日係屋企整果醬,因為整完可以順手整埋蛋糕、cupcake、曲奇咁~

再沖多壺花果茶,同老公一邊飲茶、一邊食出爐餅點

今次既果醬係用上日本oisix的蘋果同檸檬,加上依家隨處可以買到既新鮮菠蘿煮成

成品酸酸甜甜,適合春天既潮濕既天氣、鬱悶既心情

看到這種自然既金黃色,好似幾適合新年

做來送給親友作為賀禮又得

或者用來製作蛋糕、曲奇等招呼好友,得左﹗

我打開雪櫃睇到充滿唔同既homemade jam,想用時隨手取來就可以,感覺無比幸福

材料﹕日本蘋果(Oisix)200-220g、日本檸檬1個(搾汁、檸檬皮切成茸備用)、菠蘿120-140g、冰糖130g

做法﹕

(1) 將蘋果去皮和芯,果肉切成小塊;菠蘿切成小塊狀、冰糖剁碎備用

(2) 所有材料置鍋中以慢火煮熱,期間要不斷攪拌以免焦底;直至看到冰糖開始融解,轉中火煮至凝固點即可入樽。

小撇步﹕

(1) 果醬容器的消毒方法及果醬凝固點資料,可看這裡「我的第一次「自製果醬」

(2) 蘋果重量是已去皮去芯,即以果肉直接計算


yen | 25th Jan 2010 | Homemade Jam | (98 Reads)

從Oisix訂的水果盒入面有兩個大大的蘋果

我唔記得左呢種蘋果的品種名稱,但佢比一般蘋果大d

而且摸落個面有一陣好重既蠟質,唔知係唔係個品種會有呢個特點

不過無大礙既,我做果醬都要去蘋果皮既~

我試食過d蘋果肉,肉質好爽脆,就咁食已經好好味~

而且果肉好香甜,係就係貴d,而且香港周圍都有蘋果買

但從Oisix訂番黎既日本水果盒,品質的確比起香港買到既好

蘋果隔離果d係本土買既菠蘿(水果盒無菠蘿,唔知夏天會唔會有呢~)

呢個係日本檸檬,我見個外表無咩唔同

當我將佢地搾汁既時候就發現日本呢隻檸檬好薄皮、好易將d檸檬汁整出黎

我將d已經搾汁同去皮既檸檬殼用黎整果茶,咁貴唔好哂嘛~

第一次唔跟食譜書既方法,自己創作果醬食譜

開始時都會戰戰兢兢,不過有老公一個咁大既支持(佢話我整到點都一定幫我食哂)

所以放膽去試~

見到成品金黃色,我覺得今次係成功架~

老公幫手試味都話酸酸甜甜,比起平時整既jam唔同(咁當然唔同,上次用cranberry嘛)

我覺得個味道好夾用黎做醮汁,可以整成醮汁配蜜汁豬頸肉、加d有氣礦泉水整特飲,當然可以用黎整cupcake、cookies、果茶......

大家想學整嗎?


yen | 24th Jan 2010 | 文字.碎碎唸 | (56 Reads)

以前久唔久屋企都會插下花,特別係過時過節

情人節當然少不了,上年聖誕節仲見到老三收到玫瑰花(點解聖誕節都有花收?)

自從結婚之後,我發現如果屋企有d花,成間屋都有生氣

上一次housewarming我地買左d花,感覺幾好~

星期日的早上,老公陪我散步之後去左花店姐姐度比我揀左d花

番黎修剪下,亂咁黎就完成左~~

我無研究過d花叫咩名,見到新鮮就襯下d色

隨住自己既心意去佈置一下屋企,準備迎接婚後第一個農曆新年

下一次,我會買多d紅當當(我幫佢改既個花名,呢種得果子的唔似花唔似草係小時候陳爸爸帶我同老三去公園時會見到既品種,好懷念那個跟爸爸一起的年頭......)

在鮮花的陪伴下,應老公的要求預備了花果茶,悠然地渡過一個溫馨的週日早上

(週日下午我地開始大掃除,我要清洗抽油煙機同頑固污漬...好唔浪漫囉~haha)


Next