香港新浪網 MySinaBlog
yen | 31st Dec 2009 | 文字.碎碎唸 | (28 Reads)

「又一年、時間過得真係快」

呢排成日都聽到身邊不住響起這些聲音

係既,又到年終的時候

大家今年過得如何?我就相當充實

身份唔同左、生活方式都改變左、心態有所調整

由歲首到年終,我發現在料理這方面我是有所進步的

嘗試過開班、做過年伴手禮、做打氣餅點、自製嫁女餅、製作cupcake w/ decor

呢d一切都令我覺得好充實、好快樂

在2010年,我會繼續努力﹗以煮美食又唔會食肥老公為目標......

大家今晚要玩得開心又小心,倒數快樂~~


yen | 29th Dec 2009 | 簡易晚餐 | (612 Reads)

天氣繼續凍,我地屋企凍到刪埋門窗都好凍......

兩口子打邊爐食唔到幾多野,所以都係煮飯仔

好耐無出過晚餐既食譜,呢期一次過滿足大家,一個POST出三個食譜!!!

有好味辛辣肉碎豆腐,豬肉係我自己剁架,真係好好味

而豆腐係用Oisix訂既獨立盒裝豆腐整,好香濃既豆味,而且好滑

為左突出豆味,我唔用濃味的麻婆醬煮,轉用微辣既日式乾辣椒+泰式麻辣醬;結果?食豆腐有豆味、食豬肉有豬肉味......呵呵!!

材料﹕Oisix豆腐2小盒、豬肉$15(唔知係幾多,大約呢個價錢就夠食)、蔥白1湯匙

汁料﹕泰式麻辣醬半湯匙、日式乾辣椒1隻、黃糖1湯匙、鹽1茶匙、水3湯匙、生粉水適量

做法﹕

(1) 豬肉剁碎或買碎肉先以簡單的醃法(糖、鹽、豉油、麻油、生粉)醃10分鐘、豆腐切粒、汁料除了生粉水外開勻備用

(2) 燒紅油鑊爆香豬肉,加入汁料煮至大滾,加入豆腐粒輕手兜勻煮至汁再滾起

(3) 慢慢加入生粉水煮至適合濃杰度就可以加入蔥白,上碟~

仲有叉燒菜圃炒蛋,平時用中國蛋要用5隻先有呢個份量

我今次用係Oisix訂購既日本蛋黎整,只係需要用3隻已經有呢個份量喇!!

材料﹕日本雞蛋3隻、叉燒1碗、菜圃半碗、蔥白1湯匙

做法﹕

(1) 叉燒切粒、蛋打散

(2) 燒熱油爆香叉燒粒及菜圃,將叉燒及菜圃倒入已打散的蛋內以筷子略拌勻

(3) 將蛋糊注入鑊內燒至兩面金黃即可加以蔥白上碟

Oisix依家做緊promote,日本蛋有優惠啊,我都要再訂d番黎預備除夕做cranberry tar

最重要係咩呢?佢地依家有特價的蟹腳發售啊,新一年來臨......訂番d黎慶祝2010年﹗

有興趣知多d,睇呢度OISIX

呢個係快手既「上湯浸翠肉瓜墨魚滑」

無菜點得呢?我之前買左翠肉瓜放係雪櫃,今晚順手用埋佢囉~~

墨魚滑係之前同屋企人打邊爐整過既墨魚唧大獲好評,今晚買番d黎整自制墨丸

用個濃湯寶燒熱一大碗水,唧入墨魚滑煮至浮起,再加入滾刀切成既翠肉瓜,再煮至大滾就可以試味、上碟~~

同場加映蕃薯糖水,加薑~~

好想訂蟹、訂蟹蟹蟹蟹.....


yen | 28th Dec 2009 | 簡易晚餐 | (240 Reads)

天氣又轉涼,星期日晚我地又打邊爐

天寒地凍加埋落雨,知唔知咩係最窩心呢?

對我黎講,就係同老公拖著手去街市買送同食tea(呵呵~~)

整理好d送就開餐lu~

加埋臻臻bb,七個人既食量......

我好奇怪,對我最重要既唔係食d咩,而係有咩調味料......

今次我地樣樣都係少少,唔想食唔哂~

無錯,又係廣島蠔......

老公最鐘意既手切新鮮肥牛~

媽媽食既黑豚肉片~

丸類係唔少得既,不過重點係果隻野度~

呢....個唧袋呢~入面係手攪墨魚滑,我加左功之後覺得好味過出面食既魚麵......

唔少得我地鐘意既腸粉......

天氣凍一家大細打邊爐就最好~~~


yen | 28th Dec 2009 | 文字.碎碎唸 | (52 Reads)

唔係講笑,我地真係比我們這一家包圍住

我係聽住卡通訓覺架~

訓之前仲食左d酒店送既生果

同埋朱古力

有甜品又點會無晚餐呢?我地又去左食田中......鐘意佢平、靚、大大件......

但我胃寒未癒,所以食左烏冬,呢d生冷野就食少少~

呢份大大份既三文魚手卷係老公架~

呢個係炸蠔反卷,麻麻地...

食完我地仲去左B仔食糖水,因為我想飲d薑水所以食左蕃薯糖水,老公食芒果西米露,兩樣都好食,不過太飽食唔哂......

番到酒店我地睇住我們這一家入睡......真好~


yen | 28th Dec 2009 | 文字.碎碎唸 | (278 Reads)
今年聖誕除左係屋企開大食會之外,仲有一個蜜月之旅
因為擺酒時送埋蜜月套房比我地,我地就揀左係christmas後去黃金海岸......
去年年中我地都去過,果次好似係keroro做主題,今年係我最鐘意既「我們這一家」
入去之前,我地行左陣市集


當然要睇下呢d攤檔啦,雖然呢度地方大d,但氣氛唔夠係yveskitchen既X'mas Fiesta咁好feel......







我同老公係呢個攤檔買左一支糖比臻臻



呢個大大棵聖誕樹係地標......



行入酒店時見到呢個van......好開心......





酒店週圍都有呢d薑餅屋...

















在我們這一家的包圍下,過左兩日一夜非常花師奶既聖誕夜......

yen | 26th Dec 2009 | 文字.碎碎唸 | (97 Reads)

今年聖誕節一如往年,都係陳媽媽度開大食會

唔同既係,今年我係自己屋企預備食物

有好有唔好既,自己屋企整唔駛阻住陳媽媽,早d起身就可以喇~

唔好既係,唔可以同老三一齊玩,各有各整lu......

可愛的christmas cupcake整比同事朋友食,又點會少得屋企人呢~

Homemade cupcake好玩之處

就係每次整都唔會同上次一樣,唔似機器做既咁千遍一律

同埋食既唔止係個成品,而係食下廚者的心思......

今次都係用Oisix訂購的薄力小麥粉同日本雞蛋整,我想講呢隻薄力小麥粉比我地平時用開既低粉幼細好多,而且日本雞蛋大隻得黎蛋黃好實正......下次都要再訂黎整甜品

臻臻好鐘意食個topping......

同埋食好多菠蘿腸仔

好味豬仔骨,係出術之作

因為無時間醃,所以買醃好既番黎自己焗,過得去......

老三的西米焗布甸,我呢期食到濟左,食唔到呢味野~

但個個都話好好味,下次一定要試下......

記得佢嗎?係意大利聖誕蛋糕

好味到不得了,但屋企人似乎唔受落佢既馥郁酒香

其實仲有陳媽媽的鮑汁蘿蔔魚蛋同老大的好味韓式粉絲,但無影到呢...

當然唔少得抽禮物時間,我抽到陳媽媽果份,開心死我......

大家又點過你地既聖誕節呢?


yen | 25th Dec 2009 | 文字.碎碎唸 | (31 Reads)

平安夜,兩口子靜靜地喝著從北海道帶回來的果酒,嗅著從廚房焗爐處飄來的蛋糕甜香,渡過一個平靜的平安夜、看著「賭聖」踏進2009年的聖誕節......祝大家聖誕快樂


yen | 23rd Dec 2009 | 節日食譜 | (464 Reads)

其實我地大部份同事感情都好好,有咩喜慶事特別齊心

新年、聖誕、冬至呢d時日,我地都好鐘意一齊食餐賀一賀佢

今年聖誕節+冬至飯一齊食,一年一度既大食會

仲食番一年一度的美食(真係有d野食一年一次先有得食架,唔係年糕,係好味到唔記得影相既木糠蛋糕,呢種蛋糕同出面食到既唔同,係我地一位姐姐好用心機整,我地當雪糕咁食,真係好味到唔識講~)

仲有好多好野食......

有好野食,都要有好野飲先得~

實不相暪,我地係出名的可樂精

我已經算係忍得口果個,藝術家同阿仔係可以一日飲兩罐以上

後生可畏~後生可畏~~

呢度未齊食物架,只係一半...

仲叫左隻火雞,同事話火雞之中,佢算唔係最鞋果件

係美心出品,我食左d,唔識欣賞

我比較欣賞佢既size,唔打得都睇得~

仲有除雞附送既醮醬,燒汁同黑椒汁(唔好味既......)

重點係,美心頗有誠意,隻雞黎到都仲暖~

有雞先定有蛋先?

有火雞先,再有茶葉蛋

一番office已經每人食左一隻,我d茶葉蛋係會熱左用鍚紙包起再拎番中心,所以大家食既時候仲係暖架~

非常藝術的菠蘿腸仔,我未食過咁好食既菠蘿腸仔

菠蘿有菠蘿味、腸仔有腸仔味,成件事藝術哂~(呢盤野係第一時間清哂架)

天使Eve整既黑椒金菇牛肉卷,好味啊~

無食過既雞翼~

好味牛展~

好味雞腎~

呢個外賣豬仔骨好好食啊~

仲有白灼蝦,好好味~

呢個蝦杯係好同事阿好既傑作...阿好阿好阿好...激死你~


yen | 23rd Dec 2009 | 包點、曲奇 | (453 Reads)

做得比老公的同事,又點會唔做比我的好朋友呢

尋日大食會已經食左茶葉蛋,今次一致好評,應該係咁多次最正

所以同事們同老公都想Encore多次,咁啦,過埋christmas就再整多次啦~

因為我好想整cupcake,整開會上癮,因為做topping真係幾好玩

有第一次的經驗,我好明白自己都係鐘意simple things

所以今次做個簡單的decor,反而更感到聖誕的氣氛

有趣的是,每一個cupcake都係獨一無二

這也是我喜愛homemade的原因

好在從Oisix訂購回來的食材都仲有剩(雞蛋、薄力小麥粉),可以做多次~

我食過,真係好搭配的味道

花一點心思,這份聖誕禮物,喜歡嗎?朋友號...


yen | 23rd Dec 2009 | 包點、曲奇 | (1656 Reads)

聖誕將至,為了讓身邊人感到幸福,同時希望這種幸福能感染別人

所以在聖誕前夕做了幾個cupcake讓胡先生送給朋友

Cupcake有何特別之處?

特別....在於我第一次做這種口味的cupcake

特別....在於食材當中我用了在Oisix訂購回來的食材(雞蛋、薄力小麥粉)

特別....在於第一次做Cupcake topping(由於第一次做,所以仍有更多的進步空間)

早一晚做起cupcake,今晚做topping,再pack起成為禮盒裝都咪話唔架勢~~hehe...


Next