香港新浪網 MySinaBlog
yen | 30th Oct 2009 | 文字.碎碎唸 | (61 Reads)

呢幾日都無咩食譜post

因為臨近婚期,好多野忙

聽日係兄弟姊妹團聚會的日子,為左感激咁多位既幫忙,所以決定打個豪邊爐

有幾豪?聽日會影番d相報導實況,我今日要做好準備呢

汽水、檸檬茶已經塞滿雪櫃;我仲要整起茶葉蛋、老死鴨舌及牛展、桂花糕、豬仔骨……

期待..期待..


yen | 27th Oct 2009 | 文字.碎碎唸 | (58 Reads)

繼商務之後,三聯又做秋季大減價

好多好想買又唔捨得既好書,仲唔買番夠本???

其實窮到震既我,唔等呢d時候買書都唔知幾時

三聯好多書都85折,現金找數仲有額外95折

如果有書想買又唔怕逼,快d手去喇~


yen | 26th Oct 2009 | 簡易晚餐 | (470 Reads)

星期六過左一日好開心的function day

人生有個真正朋友的確好極~飲勝﹗

同朋友打邊爐同食大閘蟹,十個滿足(我掛字食,無影相)

勞頓左一整日番到屋企已經散左,但星期日要去步行籌款(其實行得唔耐,但都好攰)

夜晚陳媽媽終於都番黎喇,為免佢又要煮飯咁辛苦,我決定又下廚

基於我都攰到嘔的情況下,今次出茅招~(嘿嘿﹗)

Picture

新居附近有好味醃物店,買左呢個燒汁豬仔骨,好好好好味﹗

我只係負責焗到佢金金黃黃,兄弟姊妹聚會果日都可以考慮買黎招呼客人~

Picture

呢個唔係茅招,係誠意作品黎架~

我洗菜都洗左三次,油麥菜好dirty啊,有蟲蟲

(定係檔菜檔衰呢?下次試另一檔唔鬼幫襯佢~)

我用鮑汁+薑汁+味醂+料理油+鹽做汁料炒菜,食之前先將d汁埋芡淋面,熱辣辣﹗

Picture

呢個係外賣,半邊鹽焗雞先$20

好味喎,媽媽都接受到,下次再試下另一檔~~

係攰到爆燈的情況下,能夠同媽媽、胡先生開飯原來也可以很快樂(飯後我meet左兩個橙過兩位大人物食,都咪話我唔乖~~呵呵~)


yen | 25th Oct 2009 | 包點、曲奇 | (872 Reads)

今天媽媽跟阿姨們回鄉掃墓,媽媽很少離開我們多於一天

心裡頭很希望為媽媽做一些點心,蒸糕是媽媽最愛的糕點

手頭上只有黑糖,就來個黑糖蒸蛋糕好了

媽媽,請快點回來

你女兒很想你哦~~~


yen | 22nd Oct 2009 | 包點、曲奇 | (435 Reads)

有兩三日無開爐整野食,襯今日涼涼地就整小蛋糕

呢個做法好易,見屋企用剩左包鬆餅粉就順手清貨,無鬆餅粉既可以每120g低粉+4g泡打粉就可以喇~

係焗緊既時候就知道好味,濃香的咖啡味、撐得飽飽滿滿的外表,如果唔係焗完已經十一點幾我會食一小口嚐一嚐(少食多滋味嘛)

材料﹕鬆餅粉100g、糖50g、牛油50g、咖啡粉2大匙、熱水2大匙、蛋2隻

做法﹕

(1) 牛油置室溫軟化後加糖拌勻,蛋先打散後分兩次加入攪勻

(2) 咖啡粉以熱水開溶

(3) 鬆餅粉分兩三次加入步驟(1)以孤寒刮切拌至不見粉粒,最後加入步驟(2)拌勻

(4) 預熱焗爐170度,將麵糊注入小鬆餅杯至半滿,焗15分鐘左右至熟即可。

小撇步﹕

(1) 這個食譜用牛油量不多,建議照食譜用,這是我亂試出來的份量,感覺會比較不膩而且健康

(2) 咖啡粉我選用咖啡豆磨成顆粒狀,而不是即沖的;香味更濃


yen | 17th Oct 2009 | 文字.碎碎唸 | (402 Reads)

呢個term係我入職既時候就已經聽幾次

一間中心同事既去流其實好平常,我唔習慣同人維繫太深的情誼,所以同事要走要來我都無特別感覺;近呢一兩年識到既同事慢慢可以變成朋友,甚至係好朋友。一齊癲一齊玩,工作既時候又可以一齊認真,要維繫呢一種關係的確唔容易,感激我遇到的一班好同事好朋友

今日係娟姐榮休的日子,星期六的中心通常都無咩人番,戰友們唔想娟姐一個人孤清清咁離開呢個工作左13年的地方,所以兩個星期前已經密謀今日突擊番中心去surprise呢位可愛的好幫手

尋晚番到屋企已經好夜,但真係好想整個散水餅比娟姐,所以都係開工整蛋糕;精神狀態唔好,真係唔好亂黎;前後整死左兩個蛋糕﹕朱古力mousse cake同天使蛋糕......最後?

我今朝晨早起身再整一次,結果係ok架﹗你地睇~

Picture

我仲懶靚咁係d士多啤梨上面加左食用金萡

可惜...可惜最終都係出唔到門口(出左d小意外,只好留番自己食啦~)

Picture

切開試左一小件,加埋士多啤梨的酸甜,味道好配~

Picture

散水又點可以無散水餅架呢?所以轉投美心系列,我都想食呢隻魔鬼好耐架喇~

好味啊~唔漏既濃濃朱古力味,係creamy d,不過可以接受啊~

希望娟姐轉戰湊孫事業都開開心心......


yen | 16th Oct 2009 | 文字.碎碎唸 | (83 Reads)

走過二十多個年頭(都快要走進三十行列@@")

今年算係很特別、很特別的一年

特別的並不是最後一個單身的生日,而是今年認識到一班很好很好的同事

在這中心已工作踏入第四個年頭,由一開始已跟兩位同事很要好,甚至敢講句,我地比好朋友更好

年尾的大project,兩位好友擔大旗幫忙打點(事前的這一年半除了幫忙走走dei dei之外,還經常心靈輔導呢~)

除了兩位好友外,有幸與以往並非十分熟稔的同事走近了

適逢生日、新居入伙又臨近婚期,好友們送上的祝福、幫忙及禮物,感動外還是感動

感謝的說話再講就長氣喇,到時早d~

尋日下午突然被同事叫出reception

原來有人送花~

好耐未試過有人send花去公司喇,好開心......(小女人都有小女人既幸福,由得我啦~)

講番我既生日飯

朋友今早問我「尋晚你自己煮啊?」

我估明年今日應該會係既,有自己的廚房就會再多d時間下廚

今年更開心,跟家人吃片皮鴨@霸王山莊

五色前菜,我覺得好好味﹗

特別係個海蜇,汁教得剛好~

仲有黃金蝦,好香、好甘、好高…………膽固醇

主角的朋友,麵皮一籠,我覺得太少唔夠包,但好軟熟

呢個好弱,d蔥太老有「渣」

主角出場喇~

見住佢片d鴨肉同鴨皮出黎,實在有多少「凌遲」feel~

擺得好整齊,同埋熱辣辣好好食~

我地叫片皮鴨兩食,呢味係鴨鬆

用叉子燒餅裝黎食,好睇、好玩,但麻麻地好食~

番到屋企無切蛋糕(我無整到),有壽包食~(我鐘意食呢個多過蛋糕)

多謝大家


yen | 15th Oct 2009 | 文字.碎碎唸 | (73 Reads)

在又大一歲的日子

感謝所有送上祝福的家人、朋友、同事

就在今天,正式向各界宣佈

我們要結婚了

由single轉變為in a relationship

再由in a relationship轉變為現在的engaged to

實在是一段絕不容易走過的路

但願一直牽著手、走到老......


yen | 14th Oct 2009 | 包點、曲奇 | (498 Reads)

好耐都無試過同人慶祝生日會咁開心、咁sweet

一個好男仔同一個好女仔,係應該有一個好結局

呢句係由心而發既感言

記得舊年好男仔生日,我地一班朋友誠心希望來年佢會有個伴

願來人地生日幫人地許願,係會實現架﹗﹗﹗

今年好男仔遇上好女仔,走在一起~~(好多個心心係佢地後面轉圈~)

好女仔尋日牛一,為左齊賀佢、天生一對~

我就趕工趕起左個蛋糕

雖然唔好睇,但好味啊~

最重要心意嘛﹗下年,再下年,再再下年,希望都可以見證你地甜到漏既幸福


yen | 11th Oct 2009 | 文字.碎碎唸 | (188 Reads)

由於中秋節當天有一些小意外

所以今天有一大箱巨峰提子

上一次吃巨峰提子是八年前在第二份summer job老闆從日本旅行回來的手信

第一口嚐到的就是清脆的提子皮,再來當然是豐厚的果肉與多到爆既果汁

那種香甜比糖果更為之動人

事隔八年再次將巨峰提子捧在手心,再次嚐到果味香濃的日本產物

是人長大了、食得好野多嗎?巨峰提子仍然美味,卻少了當年那份感動

不管怎樣,仍然要感恩能吃到好味的水果


Next