香港新浪網 MySinaBlog
yen | 30th Sep 2009 | 包點、曲奇 | (209 Reads)

很久之前已收到傻芬蛋糕的ORDER

傻芬是一位很好很好的朋友,認識至今已不經不覺踏入第四年

這位「順得人」總是令我感到很窩心

我甚少主動聯繫朋友,傻芬卻是經常一隊人出出入入(係一隊,有成十幾位)

記得在認識胡先生之前,有一個night shift的晚上,跟傻芬邊工作邊傾計,突然跟我說其實很想我可以跟她們一起玩;我知道傻芬是想我更open up自己、認識多d朋友

這份心意怎能不叫人感動呢?(雖然當時人可能已經忘記了,哈~)

但凡我有任何新出品,她都是no.3支持我既人(no.1是陳媽媽、no.2是胡先生)

除了經常被點名order的茶葉蛋外,傻芬真係傻架,佢order左個中秋蛋糕

就係呢個囉~

傻芬,你真係傻架~~

第一次買到龍珠果同redcurrant,真係為左你而買架~

可能我都係傻架~

嘩,你睇下加左我條專屬絲帶

成件事立即pro哂~

傻芬,收野喇~


yen | 29th Sep 2009 | 文字.碎碎唸 | (32 Reads)

近排多了朋友向我訂蛋糕、曲奇、點心......

有時會諗,可能我需要一樣野代表自己

最後我決定做呢樣野

多謝blogger幸福蠍的分享,我搵左label bee

負責人vian的服務真係非常好,而且不厭其煩再三幫我tune色

雖然最後絲帶出黎既色比我預期中的鮮左少少,但電腦係會有色差,所以我覺得整體黎講係值得再幫襯架~

跟著落黎既order我都會用呢d絲帶做decor架喇......(終於有自己的label喇~)


yen | 28th Sep 2009 | 簡易晚餐 | (381 Reads)

星期日的午後,決定做一餐給一家大細享用的晚餐

一家大細即係幾多人呢?有6大1小

我一個人如何處理這6大1小的晚餐呢?原來係得架~

焗一個豬頸肉,事前醃好、預熱焗爐180度焗20分鐘;搓上一層蜜糖再烤個10分鐘至邊邊有d焦就可以架喇~

這個欖菜炒白豆

呢個係膽,有佢係度成餐飯放心哂~

天氣咁熱,我竟然夠膽整呢味野~

不過今日買既炸豆腐好新鮮,由於有陳媽媽同蔡小臻唔食得辣,所以有少少失色

仲有一味冬瓜粒海鮮湯,好味啊而且又唔難整,會encore~

整一餐咁多人既飯真係要放假先做到

下星期六就係中秋節,聽日可能又再開工整冰皮喇~


yen | 26th Sep 2009 | 老三顯身手 | (232 Reads)

臨近中秋,好多blogger都整月餅應節

我其實好鐘意過中秋,如果陳爸爸可以一齊的話,將會更好

燒蠟燭的味道、紙燈籠的觸感、小時候食月餅只吃蓮蓉不吃黃

由於自幼家貧,雪櫃好少會有水以外的飲品

但有一年的中秋節,吃過晚飯陳爸爸將摺枱放出露台

記得桌上都擺滿水果和月餅,還有菱角

一家大小就圍在桌子,爸爸話月光好圓、好像月餅一樣圓

當我們都埋頭苦幹d月餅的時候,陳媽媽就鬼鬼馬馬叫我們猜想雪櫃有什麼

打開雪櫃看到一排胃蝦檸檬茶,我們歡呼了好一陣子

是的,小時候一排檸檬茶就叫三小鬼快樂到不得了(現在我仍然覺得家中應該要備有一些水以外的飲品才叫幸福 --> 好傻的想法)

星期六我又要當值,在當值的時候陳老三在家和醫生玩冰皮月餅

今次我實在覺得佢地整得好靚


yen | 24th Sep 2009 | 節日食譜 | (365 Reads)

事先張揚既冰皮月餅,一個人做兩打月餅真係做到我呆左

胡先生番黎既時候都覺得我做得太多

攰就攰d,但個皮好味又夠煙un、餡料係現成購買既(味道唔錯,咖啡味最好食、蕃薯味都good、綠豆蓉就甜左dd)

今次我有d就做純味

有部份就用綠荳蓉包住其他餡,兩樣好受歡迎啊~

不過今次d皮比較難包,月餅個樣麻麻地出

無所謂啦,今年第一擊姐~

仲有餡料剩,我可能考慮再做一次......


yen | 23rd Sep 2009 | 文字.碎碎唸 | (66 Reads)

今年的中秋節是忙碌的

因為要做冰皮月餅給同事及家人

去年只做了給好友及家人,還做了一些拿到臻臻生日會做點心

就是這些囉~

今年答應了部份同事要做一些帶回中心應節(好啦,要茶葉蛋嘛)

還有一個特別的要求(from傻傻地既傻芬小姐),她事先張揚要一個中秋蛋糕

我記得這些order,正在構思中......

明天放假,或許會在家開工做冰皮月餅吧

買了現成餡料,蕃薯味不錯、咖啡餡料又如何呢?

明日再向大家匯報一下戰況吧


yen | 22nd Sep 2009 | 簡易晚餐 | (287 Reads)

每當我收早(大約5pm走人)或者半日閒既時候

我都會叫陳媽媽唔好煮,晚飯由我準備

一來陳媽媽要帶住臻臻已經好攰、二來煮晚飯對我黎講好有挑戰性

試想下由構思果晚要食d咩、到落實去買送、再番屋企準備,最重要係預時間煮同考慮埋保溫既問題;真係少d心機都唔得~

當你試過自己一手一腳去預備晚餐(包括飯後洗碗抹碗切生果的工序)

你就會更加發現世上的父母都係超人(唔一定係媽媽煮,好多爸爸都會煮飯架~)

請向所有父母致敬~

今日半日閒就預備多dd送,來個五小碟好了(個名好勁咁款,其實都係五碟普通野)

先來一碟蟹柳C粉皮

本來應該用雞絲,可惜吧,我冰箱只係得番蟹柳適合

其實蟹柳+青瓜絲,配上粉皮;最緊要係咩你知嘛?of cos係個醬汁啦~

日式芝麻醬是也﹗

跟住就係胡先生同陳媽媽都好鐘意食既(其實老大都好鐘意)「韮菜豬紅」

我都係去到街市見到幾四正先買黎整,一斤豬紅+$2韮菜

原來都唔難整,而且好入味~

當然唔少得我地既至愛.蕃茄

加隻蛋呃唔該,成為蕃茄炒蛋(老左少少,但依然好味)

亂咁醃既蜜味雞翼,焗佢20分鐘、食得﹗

仲有一碟呢?去左邊?

都只不過係一碟唔起眼既炒通菜,唔post相了~

但我發現要炒得靚仔,油一定唔少得﹗

 

其實仲有飯後果.小西瓜(真係好細小既西瓜)

但係大家都飽到震,最後都無食到

可以靜靜地同屋企人食餐飯,原來可以咁快樂~


yen | 21st Sep 2009 | 西式甜點 | (455 Reads)

想整雪糕好耐,但一直都無整到

咁0岩我冰箱有急凍的鮮熱情果肉(急凍又點鮮呢?就係當佢好新鮮既時候急凍佢囉)

咁0岩我又將個雪糕機膽雪夠24小時

咁0岩我有心情整

咁0岩我要清冰箱

咁0岩胡先生鐘意食雪葩多過雪糕

最後?最後就咁0岩整左個「熱情果雪葩」囉

這個雪葩的做法好簡單

熱情果籽係食得架,卜卜脆

食譜稍後上載吧,我依家要趕工整order蛋糕~

食譜參考自<我愛冰淇淋>

材料﹕水80ml、黃糖80g、熱情果270g

做法﹕

(1) 預先將雪糕機膽冷凍24小時,將水及黃糖煮至融後放涼備用

(2) 切開熱情果掏出果籽及汁,加入步驟1的糖水裡;雪凍備用

(3) 啟動雪糕機,徐徐加入步驟2的凍物,攪拌約20分鐘即可置入冰凍盒內結凍

小撇步﹕

邊開動雪糕機再加入凍物,否則倒入凍物後很快就會邊邊凝固,影響口感。


yen | 21st Sep 2009 | 簡易晚餐 | (315 Reads)

執屋執到街市都收左檔

胡先生一直播著足球賽事,攪到我時間都無睇到~

結果菜都無一條,好在冰箱仲有雜豆~

冰箱除左雜豆同雪糕之外,仲有海鮮恩物﹕大蝦、熱狗腸及大粒帶子

加埋惹味醬汁,就成為是日晚餐

隻蝦係有少少煎燶左

但原來咁仲好味(當然唔可以舊炭咁啦~)

帶子最好就係外表煎香左、內裡仲有些少生,咁就會最juicy

條熱狗腸係靈魂所在,裡面係好味到震既芝士(我用焗爐整熱,好味到呢~)

久唔久食下意粉,真開心﹗


yen | 20th Sep 2009 | 包點、曲奇 | (178 Reads)

大半晚的努力、加上老三精心雕琢

懷著戰戰兢兢的心情,將呢個生日蛋糕拎去老麥

點解係老麥?因為今年托臻臻的福氣,我地可以去老麥開生日會喇喇喇

由於尋日早上仲要番工,decor的部份就留待下午加工喇~

好在買到臻臻最鐘意食既士多啤梨,加埋老三精心炮製的卡通曲奇

我覺得真係幾好樣喎~

味道係good既~

唔漏、出面少d食到的口味

我整呢款mousse cake係因為今次係有小朋友食,而且唔駛用上生雞蛋,對用家黎講比較合適吧~

希望臻臻快高長大、乖乖地、唔好成日發老脾~~


Next