香港新浪網 MySinaBlog
yen | 30th Jul 2009 | 中式甜點 | (1116 Reads)

紅豆太甜、抹茶帶澀;兩者看似南轅北轍,卻是出色的拍擋

你或許未知道,兩者之間加入黃糖這個第三者,原來味道會是如此令人難以忘記

如果你並不同意這一點,沒有關係

因為口味總是個人而獨特、不需要別人的認同

材料﹕低根麵粉60g、上新粉30g、抹茶粉2g(沒有入鏡)、日本原粒紅豆200g、黃糖50g、蛋白4個(沒有入鏡)

小撇步﹕低粉+上新粉+抹茶粉需先前過篩兩次,確保粉粒變得幼細

我的紅豆是買現成已煮好的日本紅豆罐頭,在Jusco十蚊店有售(約$12)

先將蛋白打至起泡

小撇步﹕蛋白打得起,所有接觸蛋白的東西都一定要乾及不沾其他雜質,包括﹕蛋黃

打到蛋白起泡後,分兩至三次加入黃糖

繼續以中速打發

打到大家見到這幅圖的狀態即可收手

將紅豆加入蛋白糖糊內,以「孤寒刮」切拌

切拌至大家見到這幅圖的情況就可以了

此時可加入預先過篩的粉類

繼續以「孤寒刮」切拌至不見粉粒

直至大家見到的這個情況,基本上蛋糕糊已完成

可將蛋糕糊注入你喜愛的微波爐模具,加熱1-2分鐘,取出以牙籤插入,再拔出時不沾漿的話即完成。

想要做點裝飾嗎?可利用防潮糖霜

先前將模紙放在蛋糕面,灑上防潮糖霜後再拉開模紙,即可。

看﹗今次我做星星系列,我超喜愛第一個三粒星星的擺法

由於喜愛,所以佢成日做大頭仔排No.1比我影~

還有這一個,陳媽媽說size很像香蕉糕

總括而言,我頗滿意這一次的蛋糕

不用開火、速度快、成品美味(仲可以幫我清存貨呢)

雖然微波爐叮的食物都是少吃為妙......久不久來一次吧~


yen | 28th Jul 2009 | 中式甜點 | (658 Reads)

有個多月沒有弄荔枝桂花蒟蒻,今次再做,效果竟是我最滿意的

今次附上製作過程的相片,以便大家更明瞭當中的步驟

材料﹕糖漬桂花4茶匙、蒟蒻粉30g、水680ml(水沒有出鏡)

材料﹕荔枝(去皮去核撕碎)半磅、蜜糖30g、檸檬汁1湯匙

相中是已混和這三種材料的混合物

先將蒟蒻粉與水混和至沒有粉粒

將蒟蒻水加熱至微滾即可熄火

將糖漬桂花加入蒟蒻水

混和後成桂花蒟蒻(如不加入荔枝的話,可在此時加入蜜糖及檸檬汁,注入模具或容器,冷凍後即成為桂花蒟蒻)

加入荔枝混合物,注入模具冷凍後即完成。

晶瑩剔透的消暑良品「荔枝桂花蒟蒻」向大家招手~(食我啦食我啦~)

我覺得好似幅畫......

小撇步﹕蒟蒻水加熱後很快會凝固,所以加入其他材料的速度要快,不放入雪櫃其實成品也會凝固,但冷凍後風味更好~


yen | 28th Jul 2009 | 中式甜點 | (564 Reads)

有想過糖漬桂花都可以自家製作嗎?

年多前我醃製了一次,真的很方便

無論是想做桂花馬蹄露,還是荔枝桂花糕,只要從雪櫃取出自家製的糖漬桂花,掏出一兩茶匙就可以為身邊人做出具備風味的別緻甜點。

困難嗎?一點也不,只需要按步驟就可以輕鬆製作了~

預備材料﹕半片片糖、乾桂花2g、半個飯碗水或2/3杯水

只需要將所有材料一同加熱直至糖融

講究一點,可以先將水及糖加熱至糖融,之後再加入乾桂花續煮1-2分鐘即可熄火

糖桂花會越煮越深色

煮好就可以注入容器內,待涼後放雪櫃冷藏(容器需事先消毒)

就是這麼簡單,便可做出自家製糖漬桂花了。

小撇步﹕

(1) 糖漬桂花會隨時間越久、顏色變深、桂花香氣更濃。

(2) 市面有出售糖桂花,而且會發現桂花量很澎湃,我個人認為自家製吃得比較放心,想要澎湃的桂花嗎?多加2g乾桂花不就行了嗎~~~


yen | 28th Jul 2009 | 文字.碎碎唸 | (46 Reads)

牛頭角下村話要拆已經好耐

係唔同blogger或者朋友的blog度都見過牛下的相

大家似乎都好想捉緊這些快要失去、成為歷史的痕跡

我沒有特別要去抓緊什麼,只是剛好跟胡先生在附近用膳,胡里胡塗跟著胡先生走進這個曾經熱鬧非常的地方

一二期係如何劃分呢?為何是一二而不是甲乙?(無聊問,唔駛理我)

好一咋紅白藍、好一個殘舊鐵閘、好一張紅紙(看左下角)

佢唔知我影佢架,我驚佢對住我V啊~

我影完即時被胡先生拉走,佢話驚被d老伯打,佢地係度聚賭ing......

呢間野聽聞好出名,出名在d咩呢?唔通係個籠?

多人到呢......你睇右下角個位縐哂眉頭既仁兄~辛苦哂~

喂﹗唔係講笑,我好鐘意食呢d街邊野~(雖然媽媽一定唔比)

碗仔翅簡直就係我既至愛啦啦啦~

呢位又係牛下伯伯,我地去到果日佢檔野貼住「最後兩天」

唔知會唔會好似d Boutique咁半年前又係最後兩天、半年後見到都仲係最後兩天

我真係幫襯左佢四串野架~佢話最後兩日、唔食就無

老人家出到聲,而且唔貴,四串都係廿雞(出面八蚊串閒閒地......)

我覺得呢d野好麻甩,但我好鐘意食~(我無生鬚架,但我真係幾喜愛呢類麻甩野)

wow~~~好味到停唔到口,最重要係咩你知嘛?個汁啊~

牛下伯伯,多謝你﹗

如果你地都仲想去睇下影下既,請記住唔好上樓去影,會打擾到d居民嘛

係下面影,其實都幾多野睇架~


yen | 25th Jul 2009 | 西式甜點 | (315 Reads)

已有一段時間沒有做這款甜點

近來有一個機遇,讓我再做一次這款夏日佳品

不為什麼,只為對自己一個交代、對料理的一份尊重(都話不為什麼,就算唔明都唔好問我呢句講咩咩咩咩咩咩~~~~~)

講番個甜點,其實做法唔難,係多少少野攪下咁解

陳媽媽話賣相ok啊,味道係好清新既~

其實好耐之前整過一次,我個人黎講,比較喜歡上次的造型

唔係話呢個唔好,而係,你明唔明?

就好似第一輯好似硬係好睇過續集

陀槍師姐I比陀槍師姐IV好睇好多......

烈火雄心I好睇過滅火雄心IV......(你地留意下,個旁白真係好似講「滅火雄心」架)

係囉...咪就係咁囉......

想試做看看嗎?食譜在此「紅莓凍配小丸子


yen | 23rd Jul 2009 | 西式甜點 | (323 Reads)

朋友睇左d合桃蛋糕後有一個感想

佢話似合桃日蝕過程,唔講唔覺,一講又係幾似~

抵得佢咁有創意......

特別鳴謝BB先生,你獲得一個合桃蛋糕既命名權

 

夏天的料理,最好就是無火煮食

最近我的怕熱指數急升,能夠不用火我都會盡量配合

今天,想到了一個微波爐料理

其實之前已經介紹過在Jusco買的叮叮蛋糕,原來加入合桃及朱古力碎

味道可以如此搭配及對胃口呢~

還玩了造型糖霜......呢個係叉~

呢個係唔知似咩~(依家改名為﹕BB蛋糕)

haha~唔好問我呢個咩符號......總之幾得意幾好玩咁囉~

只需叮1分鐘就OK喇~

包好一個個,送比朋友打打氣﹗


yen | 23rd Jul 2009 | 西式甜點 | (703 Reads)

一直很想做這款果凍,上次在二仔買到梅子綠茶粉,回家就照著試做

結果是非常成功而且很對胃口

更重要的是不用開火、做法好玩、成品吸引

這三個重點加起來等於什麼呢?等於要Encore多做幾次囉......

就像這張照片的做法,用保鮮紙包實及束起來

冷凍過夜,把保鮮紙打開,就成為大家看到的這個東東

很平凡的外表,卻內藏很動人的感動力

在這個炎夏,相信會成為我常做凍品的首位

你們想要試試看嗎?

材料﹕梅子綠茶粉1條(二仔有售)、魚膠粉半湯匙、凍水20ml、熱滾水160ml、檸檬汁2湯匙

做法﹕

(1) 梅子綠茶粉及魚膠粉先拌勻,以20ml凍水開勻,加入熱滾水攪至融化,最後拌以檸檬汁。

(2) 在一隻碗上包著保鮮紙,將2-3湯匙的步驟(1)注入碗內,將保鮮紙包起捲實扎好,冷凍過夜即可。

小撇步﹕可以180ml的現成梅子綠茶代替沖劑都可以


yen | 21st Jul 2009 | 包點、曲奇 | (158 Reads)

大家黎估下點解豬太郎會死得咁慘?

兇手到底係邊個?出手咁狠,斷左條頸......


yen | 21st Jul 2009 | 包點、曲奇 | (237 Reads)

好喇,一逢兩日都係出年輪蛋糕

大家一定睇得好悶喇,係咪以為今日有新款野睇下呢??

呵呵,料理方面真係要再年輪一下

事關呢個款我覺得係三款入面最得我心

查實佢係一個錯誤黎,原本係想成卷野都係朱古力味

點知我煎緊既時候先記起未加可可粉,煎左第一個圈之後先較番好個漿

諗住佢死梗架喇,點知出黎個效果又好ok喎......我覺得啦~

年輪暫時黎到呢度,要停一停

我好少同一樣野出三日post(最起碼會隔幾日,呵呵)

今次連出三日係一來呢排太熱,整呢個年輪蛋糕唔駛開焗爐

二來成品都幾靚仔,最重要既係,真係好易整

想整可可口味的朋友,可以係原味的食譜中加入3茶匙可可粉就ok啦~


yen | 20th Jul 2009 | 包點、曲奇 | (486 Reads)

由於做法好簡單,所以就試下加其他材料入去改變口味

老老實實,我真係幾鐘意抹茶口味

係上一篇的網誌食譜加入2g的抹茶粉就ok喇~

見到個年輪圈圈,有一刻覺得自己成功啊~


Next