香港新浪網 MySinaBlog
yen | 31st May 2009 | 簡易晚餐 | (651 Reads)

燒餅、燒餅~~

好幾年前有一個叫孔慶祥既人唔知點解好多人報導(我對佢唯一既印象係好似同家燕媽媽好friend;同埋唱過首歌「燒餅~~燒餅~~」She Bangs)

點解要提佢?點知姐......今晚整左日式燒餅,一路整、個心一路哼「燒餅燒餅」

OK......我係連孔慶祥個樣都唔記得,又唔記得成首燒餅,唔係...係She bangs的歌詞

但......so what?!?!

重點係,我整左好味既日本燒餅嘛~~~

我星期五晚同老三講起日本有咩好野食,燒餅就係其中一樣

一陣愧疚既心情湧上喉嚨頂......因為、因為、因為......(我買左包燒餅粉大半年都無整)

唔好話我一味買材料,又唔用啦~

to do list好長嘛.....(依家整lu~)

材料﹕燒餅粉80g、水100ml、蛋2隻、椰菜絲100g、蟹柳3條、粟米粒2湯匙

做法﹕

(1) 將燒餅粉、水、蛋攪拌至沒有粉粒,加入其餘材料攪勻

(2) 易潔鑊燒熱1湯匙油,加一勺步驟(1),煎至兩面金黃就ok喇

小撇步﹕

(1) 剛下步驟(1)的時侯要快手將d材料輕輕推一推,令佢地能夠平均煎到

(2) 煎緊既時候,你會發現d粉漿會淺開左,你要用剷輕手修一修個煎餅既shape

(3) 鐘意既話,可以加沙律醬或者燒汁(我今次竟然用左李錦記既照燒雞翼醬,出奇好味啊~


yen | 30th May 2009 | 西式甜點 | (87 Reads)

原本以為這個星期五會超難過的,畢竟人人都放假,只有小貓幾隻在工作

後來我發現工作比想像中的還要多,也好~

充實點,時間過得也很快

就在這個日子,為了讓大家都提起精神

我把曲奇都帶到公司

尊敬的芭芭拉姑媽吃過之後想要做做看

歡迎歡迎﹗有問題請找我~~

雖然要工作,告訴你﹗我可是吃過星星的

我是做到滿天星星啊啊啊啊啊......

相中的星星是三色jelly,出自老三手筆


yen | 29th May 2009 | 西式甜點 | (257 Reads)

之前整生日蛋糕比老大時有材料剩,所以整左杯mousse

原本mousse只係得半杯架咋,點解又會變成大家睇到既size呢?

好簡單好簡單,因為我加左好多片士多啤梨比佢嘛

所以就懶係好似好full咁囉囉囉……

Any~~最緊要好味嘛

老三講得0岩,呢個mousse酸酸地易入口,所以食一件cake都唔覺得漏

加埋我d朱古力décor,我想講……我覺得杯野真係好靚仔架~(哇哈哈!!!)

當人人都拎左一日AL放四日假的時候,我仍然選擇番工

不為什麼,只因為我唔記遞form(下刪一萬個感嘆號)


yen | 28th May 2009 | 包點、曲奇 | (593 Reads)

燕麥呢樣野真係好有趣

加練奶食又得、加鹽又得、烘脆代替麵包糠又得、整曲奇又得,得左﹗

今次參考vanlily的Chef Bo食譜,整左以下呢款曲奇

原本Vanlily有加杏仁粒,但我改用朱古力粒(苦甜朱古力粒啊)

味道?當然好match啦~

一出爐陳媽媽已經話好香喇,放左一陣等曲奇的身子firm d再食~

媽媽話好好味(重點係唔太甜、有燕麥又健康,而且少牛油的曲奇健康d嘛~~)

有興趣想試下整嗎?端午節假期唔食糭唔睇龍舟既~整曲奇囉囉囉......

食譜參考自Vanlily(佢好勁架,我成日都跟佢學野),但因個人口感修訂左部份材料

材料﹕牛油100克、蜜糖30克、黑糖40克、鹽1小撮、蛋50克(約一隻)、梳打粉6克、高筋麵粉170克、麥皮110克、紅莓60克、苦甜朱古力粒20克

做法﹕

(1) 將凍牛油切粒,加蜜糖、黑糖及鹽以打蛋器低速打勻

(2) 加入蛋繼續以低速打至混合,篩入高粉及梳打粉以膠刮拌勻

(3) 最後將剩下材料都拌勻成曲奇團,置雪櫃冷凍至實

(4) 將曲奇團分成40等份,以180度焗約10-12分鐘即可出爐

小撇步

(1) 進行到第二個步驟轉用膠刮的時候,你會開始感到吃力,仲會問自己「點解咁多粉好似攪成世都唔會成為一個曲奇團?」係呢個時候,你唔好放棄﹗因為你仲有百幾gram的麥皮啊、紅莓啊未落~~但你要信自己做得到,因為你真係會做到架,只要你不斷用膠刮切拌個麵團,過多一陣你就會發現我無老點你~(粗俗左d......但好到肉嘛)

(2) 剛出爐的曲奇唔好試圖或意圖去拎起佢,因為好鬆軟,要放一陣等佢個形firm d先


yen | 27th May 2009 | 包點、曲奇 | (91 Reads)

哇哈哈﹗老大,生日快樂﹗

老老實實,我好比心機整個蛋糕架喇,希望你鐘意啦~

係咪以為我唔會整蛋糕比你呢?係咪以為今年生日連糕都無得你切呢?

yeah~~surprise??

係書度學點樣同蛋糕化妝,今次個妝我都幾滿意~

上面d朱古力係我自己整架,原來都唔係好難整,但要小心d脫膠片同埋放上蛋糕囉

haha......點解一個蛋糕要影咁多張相?因為......因為我好開心囉~

估唔到自己可以整到個似模似樣既蛋糕

有無睇到d金萡啊?我真係有比心機去設計個蛋糕架~~hahah~(癲左)

請大家同我老大講生日快樂~~~~多謝﹗


yen | 25th May 2009 | 中式甜點 | (1533 Reads)

我對於白糖同白糖糕都無咩興趣

我鐘意黑糖、黃糖、三溫糖......

但係媽媽鐘意食白糖糕呢d中式糕點,今日發現三聯書局做「電視框」

入左幾本想買好好好耐既食譜書,其中一本係新書黎架~(大少奶果本未買到)

其中一本教整傳統糕點包餅,白糖糕係其中一樣(做法好簡單啊,唔整就怪lu)

個樣好似方包啊,媽媽話好好食

無酸味,而且又鬆又軟

大家都想試下整嗎?

材料﹕酵母.0.5克、泡打粉5克、糖60克、水175克、粘米粉100克

做法﹕

(1) 將所有材料攪勻過篩及注入蒸盤,靜置2-3個鐘

(2) 將蒸盤凍水落鑊大火蒸5分鐘(已經水熟的時候開始),轉細火蒸5分鐘,最後大火再蒸5分鐘就得喇

小撇步﹕

(1)佢中間會出現你地見到上圖我用黑圈圈住既泡泡,正常現象唔駛驚(雖然好樣衰下)

(2)要放一陣先好切,一刀過唔好一路切一路拖把刀,會整爛個糕架~

祝大家步步糕昇(過年咁款~)


yen | 24th May 2009 | 包點、曲奇 | (1408 Reads)

買左伯爵奶茶好耐都未整,今日就焗埋茶餅試下啦~

食後感係......我都係唔奶得既~

唔係佢唔好食,相反陳媽媽食到咀郁郁添,只係我唔鐘意奶味(紅茶餅0岩我食d)

紅茶餅有茶葉係個曲奇度,焗完之後脆口架~

比個食譜大家試下~

材料﹕牛油70克、糖粉30克、低粉120克、梳打粉1/4茶匙、淡忌廉/奶1湯匙、伯爵奶茶/紅茶1包

做法﹕

(1) 茶包剪開將茶葉浸泡於淡忌廉或奶中約30分鐘

(2) 牛油置室溫放軟跟糖粉打至鬆身,加入(1)拌勻;最後篩入粉類以刮刀拌成麵團置雪櫃冷凍30分鐘,用模具印曲奇樣,以180度焗至金黃色即可。

小撇步﹕

(1) 紅茶葉要出味,最好跟淡忌廉或奶加熱(出煙就可以,不用大滾)

(2) 上述份量只做一份曲奇,如想同時做紅茶及伯爵奶茶口味的,請將份量x2(茶包份量除外)


yen | 23rd May 2009 | 包點、曲奇 | (236 Reads)

呢款芝麻餅好幾個月之前我整過一次

陳媽媽鐘意到不得了

尋晚拎左個焗爐黎焗豬扒同雞翼

唔好哂,焗個芝麻餅等媽媽Happy下先~

哈﹗芝麻澎湃到呢......每一口都有好豐富的芝麻香~

有人想黎呢度搶包山嗎?

唔係~係芝麻山......

媽媽鐘意食厚身d,下次要整厚身d(今次都係薄左d)

順帶一提,徒弟仔傻芬整既芝麻餅個樣好得、而且好好味~有進步啊~

食譜﹕芝麻餅


yen | 22nd May 2009 | 中式鹹點 | (915 Reads)

等左成年......終於都等到

為左慶祝呢一日,我整左一樣想整好耐的「不可思議食物」

豬肉乾

無錯﹗自製既之六乾

唔好問我點解你無得食,因為我整得好少咋~

第一次整,唔敢整太多(我驚難食嘛)

焗第一盤的時候我個心十五十六架~

因為一路焗、d肉汁就一路標出黎,最後我終於成功焗出第一盤

媽媽幫我買左$15-$20的豬肉,番黎教我將佢地剁成免治之六

加埋d醃料就開始攪、攪、攪、攪......攪到起膠(即係黏埋一齊唔易散開)

就用180度焗到兩面金黃(我鐘意食燶d,因為香口d嘛,所以我焗到個邊有d焦焦地)

我無用photoshop執d色架,加左隻字咁解;點解個面令架呢?秘密係兩個字

「蜜糖」

當你焗到一面已經開始乾身,拎佢出黎搓一層蜜糖再焗多5分鐘左右至乾

翻轉,將底果面重覆焗到乾身就得架喇~

想唔想自己試下整?比個食譜你地試下呃~

材料﹕$15-$20瘦肉(番黎自己剁成免治或直接買碎之六,媽媽話自己剁乾淨d)

醃料﹕1湯匙蜜糖、40克砂糖/黃糖、2茶匙魚露、1湯匙生抽、1湯匙紹興酒、1茶匙生粉、10克鹽

做法﹕

(1) 將醃料跟肉攪拌至起膠,分一半放在錫紙上,蓋上保解紙用麵棍look平身

(2) 預熱180度焗爐,將(1)焗至金黃即可

小撇步﹕上面寫哂喇,大家唔明既留言啦~我會盡快回答

(好緊張好緊張,我要去搵黑色衫先~~~~~)


yen | 21st May 2009 | 文字.碎碎唸 | (174 Reads)

尋日收工落左一場大雨

我覺得「牛」左幾日就係等呢場雨,見到地鐵(我鐘意叫地鐵啊~港鐵唔順口)窗外橫風橫雨,我就覺得好開心

買埋麵包我就打的番屋企,因為呢排太辛苦、太攰,同埋......太大雨

對自己好d唔一定要飲白蘭氏,打的士一樣得、得左~

由於直車番到屋企樓下,唔經士多,所以買唔到我近期的至愛

就係佢囉~

一到夏天、或者唔開心既時候,我最鐘意食呢隻雪條~

見到佢咁Colourful,又酸味味咁,真係開心哂~

D丸子係二仔度買既~媽媽煮,我只係將雪糕同佢地撈埋黎食,爽啊~

天氣咁熱,我偷懶一日半日,就食呢d架喇~

聽日啦~聽日開爐喇又~(整d簡單好味受歡迎既~)


Next