香港新浪網 MySinaBlog
yen | 30th Apr 2009 | 包點、曲奇 | (291 Reads)

某次跟傻芬一行九人到Mrs.Steak食Buffet

傻芬見到一個很可愛的甜點,拿回來給我看

一口咬下,脆餅還在口裡,咀巴就說要我教......

好﹗就因為你,傻芬﹗

我就整整整~~~

入爐前

入爐後

有無覺得怪怪地呢?無錯,佢地唔係同一粒脆餅

藝術家之前去台灣買左兩本書比我,其中一本我鐘意到不得了

其中一篇就介紹整呢款甜餅,人家食譜份量30克苦味可可,我就轉左做黑啡

結果?

為求實驗出最好的焗製的時間、脆餅的出爐時機,我焗左四底

大家見到第二張相係第四底的,亦係暫時焗得最輕、最脆身、最挺的一底

今次個份量轉做黑啡,太苦澀......雖然好香啡味

下次份量如陳媽媽所示,一半就夠

傻芬,我要研究多一陣先教你整~乖﹗等我~


yen | 29th Apr 2009 | 文字.碎碎唸 | (843 Reads)

仲記得佢嗎?

今年情人節時,我收到既花~

洛神花@ organic farm(Lamma Island)

心情鬱悶的週日午後,我執左幾朵洛神花

用剛煲滾的熱水沖左一杯花茶

合埋眼,將花茶放近咀邊,空氣、口裡、面上的濕氣都是洛神花的香

張開眼,透徹的熱水被洛神花染成了紅色,這色屬於初春的

味道是自然、順喉的微酸,喝下去沒有半點苦澀

味蕾留下的是回甘......


yen | 28th Apr 2009 | 包點、曲奇 | (426 Reads)

有唔少blogger問我栗饅頭的食譜

其實食譜係來自小松本太太的「日式和菓子」

所以唔係我既原創食譜,但係咁多人想知個食譜

我就節錄比大家啦(如果試過鐘意既,好建議你地去買本書黎睇)

材料﹕糖40克、旦1隻、牛油10克、水1/4茶匙、泡打粉1/4茶匙、薄力小麥粉100克、栗煮甘露4粒、蛋黃1隻、味醂適量

做法﹕

(1) 糖、蛋拌勻,加入牛油;水及泡打粉攪勻

(2) 薄力小麥粉跟步驟(1)混合並搓成麵團,靜置半小時後分成16等份

(3) 栗煮甘露一開四,成16粒;將餡料包入麵皮搓圓;蛋黃及味醂拌好

(4) 圓麵團放焗盤上,掃上味醂醬後以180度焗15分鐘即可。

小撇步﹕

(1) 味碄我係orange買,$12一樽有排用

(2) 我買唔到栗煮甘露,用即食栗子代替,味道無咁出但作為試驗都ok既

 

希望大家都成功做出小巧可愛的栗饅頭啦~


yen | 28th Apr 2009 | 簡易晚餐 | (1875 Reads)

近半年心情都處於低沉的狀態

就連最愛的烹飪,偶爾都未能提起勁

係呢個時候,意粉汁就幫我一把喇

今次為大家介紹呢個明太子意粉汁,購自Jusco

配料紫菜香口、芝麻係我自己添加的、汁料帶少少明太子(真係好少架咋),味道鹹中帶微辛,個人認為頗適合意志消沉的人食用,幾開胃~

喪落芝麻,唔好阻我~係咁灑係咁灑亂咁灑..............

我要每一撮意粉都有香口的芝麻同紫菜

意粉係屋企用剩既,意粉汁盛惠$10,同陳媽媽share一份意粉

經濟實惠,仲可以同陳媽媽玩爭意粉食,爽啊~

最爽係咩你知唔知?最爽在於你只需要煮熟d意粉,放係碟度,直接將d汁淋上面加配料就食得,十分鐘唔駛~~爽唔爽皮先~


yen | 26th Apr 2009 | 文字.碎碎唸 | (126 Reads)

好耐之前介紹過胡先生的朋友Alan先生所開的靚仔菜檔「菜菜子」

又提過有熱情果賣~

其實仲有好多難搵到的蔬果賣架~

之後收到有blogger查詢菜菜子的地址,因為想買熱情果

呢個就係Alan的菜菜子鋪址

灣仔灣仔道3號尚翹峰第1座地下B3店 Tel 2976 4100

大家要多d捧場啊~


yen | 26th Apr 2009 | 文字.碎碎唸 | (35 Reads)

大家好嗎?

有三幾日唔update下個blog,我手都痕埋

唔係我懶啊,而係呢個星期屋企維修、全民皆兵

陳媽媽係最辛苦果個,執屋執到無覺好訓

今日總算係將d地方執到可以招呼少爺臻,我地先叫做透下氣咋

但革命尚未成功,日日仍需執屋

所以過去幾日都無整野食,放工番黎連上網的精神同時間都無啊

依家先可以黎同大家報告行蹤

聽日應該可以再開爐,等我既新作...............吧啦

執緊電腦hard disk的舊file,見到樣野好0岩我們這一家

就係老三好耐之前整既菊花蜜(好似話當時飲唔哂所以整埋做果凍)

呢幾日吸埋吸埋咁多灰塵,飲d菊花蜜、食番兩粒蜜凍就最好不過啦~


yen | 22nd Apr 2009 | 包點、曲奇 | (281 Reads)

我記得仙姐係blog度提到,一係唔整,一整就要整到最好

呢一份熱誠的態度,我覺得好值得我地去學習

係我的工作入面,接觸好多唔同年紀的人

細到好似臻臻咁得歲幾、小學生中學生、大專畢業既、有家庭主婦、公公婆婆......

大家都有唔同的角色同責任,但能夠係自己崗位站得住腳既,不約而同都係對自己所做的事帶著一份熱誠

社工都係人,面對自己的工作、屋企或者身邊既人,我都會有無能為力的時候

人總要為自己搵出路,信仰當然係我一個尋找安慰的地方

我或我所關心的人在難過失意的時候,總會烹調美食、鑽研成功料理來作鼓勵,這該是一個惠人惠己的興趣吧

上次因為傻芬長時間被襲擊導致身心靈受重創,所以為佢做了柚子酥(陳媽媽都讚好味,但我覺得始終欠了一份鬆化)

翻查食譜書,終於找到一位師傅的食譜,推介﹗推介﹗

原來秘訣是鹹蛋黃﹗﹗﹗

一切都準備得很完美,陳媽媽專程幫我買鹹蛋又煮熟d蛋黃

萬事都很順利,可惜到最後我跟著食譜去量份量,忘了要量度自己的鳳梨酥模的size,所以大家見到鳳梨酥中間下陷了......

但這個鳳梨酥真的超鬆化的說

尚有少量鳳梨餡在雪櫃,我會做一個超完美的請大家食

同事Athena說想要跟我學這個鳳梨酥,好吧,五月應該可以再開班......期待ing......


yen | 21st Apr 2009 | 包點、曲奇 | (354 Reads)

又係小松本太太的食譜

今次我整粟饅頭,推介﹗推介啊﹗

你要知道呢......和菓子多數都好甜,但呢個食譜做出黎既粟饅頭一d都唔會過甜,而且好香好好食添啊~

食譜原本只做16個,但有感呢期做出黎既料理成績唔錯,幾受歡迎

所以我將份量加倍,做左32個

送禮自用都夠哂數啦

食譜入面要用栗煮甘露,我買唔到只好用普通的栗子

但都已經好香喇,下次等我唔開心時要買一次栗煮甘露先(city super有)

面頭果d色係味醂同蛋黃的mix,味醂係烘焙店有售


yen | 20th Apr 2009 | 簡易晚餐 | (1056 Reads)

電視廣告話「想去邊度食Pasta?」

我既答案就在此

自家製的

很忙的時候又不想出去食糊糊的意粉,自己來做做看吧

忙的時候當然沒辦法做醬汁,來一個墨汁如何?

把pasta都煮到八成熟,瀝水

燒紅平底鑊下olive oil,爆香兩瓣蒜肉就把pasta回鑊

最後加入墨汁意粉汁就可以

如大家所見,好味到眼都矇埋

醬汁很可靠,我在city super買到的

我有一個習慣,不開心的時候會給自己一個quota去買一些平常捨不得買的東西

這個墨汁就是其中一樣,很奇怪吧,我很少買衣服啊手飾啊,最常買到的就是料理的東西,今天下午一個人吃,來獎勵自己一下,吃豪華一點


yen | 19th Apr 2009 | 包點、曲奇 | (339 Reads)

我發現近日身邊的好朋友們都有好多事發生

在人看似不幸,但基督徒會看到天父恩上加恩的旨意

但我好明白人在軟弱的裡面,朋友的支持係好重要架(屋企人的關心當然都好緊要啦)

我唔識變魔術、唔識做d咩偉大的事,但在小事上我好願意去tum下朋友仔既

呢個係送比朋友s(兩公婆啦~)的打氣曲奇,要加油啊~

另外,有位同事好乖啊~跟我既曲奇食譜整曲奇,仲帶番黎比我試食~

我覺得第一次整算整得好好食架喇,所以我又整左d曲奇帶番去比佢食~

呢位朋友係我認識既人入面最溫柔、最端莊架......

我同傻芬之前行jusco時買既盒,今次終於用到喇~


Next