香港新浪網 MySinaBlog
yen | 31st Mar 2009 | 簡易晚餐 | (477 Reads)

檸蜜可以凍飲、冷飲,可以整果凍又可以脆脆,原來仲可以醃雞扒架~

我見屋企有個檸檬,又有雞扒,仲有我最鐘意既蜜糖

咁無理由唔整個檸蜜雞扒架你話係咪先?

香檸雞都有喇,檸蜜雞無理由無架你話係咪先?

咁靚仔無理由唔影張相比大家睇下架你話係咪先?

咁易整無理由唔出食譜益街坊架你話係咪先?

材料醃料加埋都唔駛廿蚊大家咁窮無理由唔整佢架你話係咪先?

材料﹕雞扒一大塊、蜜糖2湯匙、糖1湯匙、鹽2茶匙、紹興酒2湯匙、檸檬汁半個、檸檬片半個、蜜糖少許

做法﹕

(1) 除檸檬片及少許蜜糖外,雞扒洗淨後與其他材料混合醃過夜

(2) 焗爐預熱200度,將雞扒抹去多餘的醃料焗至雞皮微焦;取出放上檸檬片及林上少許蜜糖,再次置入焗爐只開上火焗多5分鐘,即可切件上碟。

小撇步﹕

(1) 焗時雞皮向上焗到尾

(2) 一邊焗一邊出好多油,焗起切件後當然用另一隻乾淨碟上枱啦~


yen | 30th Mar 2009 | 簡易晚餐 | (482 Reads)

我鐘意行書局、行街市、行菜檔、行超級市場、行烘焙店、行上海街、行jusco、行francfranc、行......最鐘意行凍肉店

因為一入去就好似入寶山咁,你見到的材料都可以整一餐勁既比屋企人食

今次我買左牛展,仲見到店入面推介的韓式醃醬

本來有辣味架,我都好想食辣,但大病未癒,只好繼續忍口啦~

最後買左原味BBQ番黎整「韓式牛展」

呢個醬的原材料有呢有路,最厲害最韓既係有蘋果蓉同橙蓉

需知道果酸可以提味,更可以令肉質軟林

細個時睇味吉陽一教架,最後當然整到一碟連味皇都大叫既好啊......既牛展啦

我病左一輪,手震過貓王,所以張相檬到呢......

呢張好d,十幾張得呢兩張見得下人......

我都唔知點寫個食譜好,因為得牛展同樽醃醬,我唔記得影個樽比大家睇,但去到佳寶的醃料架就會見到今期推介,$13樽咁上下啦~

或者講下整個牛展的注意事項咁會幫到大家d

材料﹕牛展兩條、韓式醃醬一樽、水半樽

做法﹕

(1) 先將牛展洗淨,放入煲加水蓋過牛展面,大火煮滾至出血水;之後用水喉沖淨冷卻備用;以醃醬醃過夜。

(2) 將醃醬連牛展置煲中,加水半樽以大火煮滾,轉中火煮30分鐘,改慢火炆20分鐘熄火加蓋至冷卻;食之前將之加熱至大滾約15分鐘即可切件上枱。

小撇步﹕

(1) 因為醃醬會有d剩左係樽身,加埋半樽水沖埋唔哂野又份量剛好

(2) 食之前可以加番d汁係已切件的牛展,原汁原味

(3) 食剩可以連汁放雪櫃一星期,食之前加熱(但唔好剩太多次,加熱太多會令到肉質變霉)


yen | 29th Mar 2009 | 簡易晚餐 | (1048 Reads)

最近係office桂鳳媽媽同濤濤傾起炒公仔麵好難整

之後仲問我識唔識整,佢地話整親都係一PAT野,夾唔開~

其實我真係味試過炒公仔麵,曾經有一個朋友整過比我食,當時係咩味道已經唔記得,只記得唔係成功既一次

成功對我黎講就係好似極G好的雞翼炒公仔麵咁

爽身、乾乾地但唔會硬,最重要係食到好香的麻油味

放工個心已經飛左去買料,預備自己炒一次海鮮炒公仔麵

去到見到辛辣麵減價、海鮮pack係胡先生的至愛,我成日都唔比佢買,因為覺得唔抵,分開買蝦買帶子買魷魚買蜆仔肉放係雪櫃,要用既時候自己執藥咁先係明智;可惜我唔想塞到媽媽個冰箱滿哂,所以急奏章咁買住海鮮包頂檔

個人認為第一次炒公仔麵算係合格,起碼乾身同食得入口嘛

其實聽同事講好多煮公仔麵的做法,今期新假期都有介紹唔同的公仔麵煮法,睇到我同藝術家好開心;雖然聽聞話公仔麵要係胃度一個星期先會消化哂,但都係久唔久食一次,唔緊要啦~

材料﹕辛辣麵一包、海鮮一pack、麻油及白芝麻少許、薑兩片、水大半煲、冰水一碗

做法﹕

(1) 大半煲水及薑片一同煮滾,將海鮮包洗淨後放入滾水中川燙片刻,盛起隔水備用

(2) 同一煲水,燒至大滾下麵約1.5分鐘,將麵撈起放入冰水;於易潔鑊起一湯匙油,將麵瀝水後快手下鑊快炒、加入海鮮及味粉兜勻,熄火上碟;食前下隨麵附送的配料、麻油及白芝麻即可。

小撇步﹕要麵身爽口,煮麵1.5分鐘及浸冰水是關鍵;最緊要係下鑊前要瀝乾水份

希望你地都炒到好味的公仔麵呃~


yen | 28th Mar 2009 | 食蕉同盟會@蕉building | (184 Reads)

蕉蕉盟友,大家好﹗

唔知自上次我發出食蕉同盟會的呼召後,有幾多默友加盟左

係呢度回覆過想加盟既你,你的情況又如何呢?

無回覆但我地日日都見的藝術盟會長老、傻芬長老,你地情況又點啊?

就連遠方的表嫂蕉友、老大蕉友,聽聞大家都有盡力蕉building喎......

今日,我要係呢度同大家公佈小妹進行蕉building以來的初段成果

我由2月28日起開始,至今其實只係18日的蕉building(因為期間我病左差不多兩個星期,咩胃口都無哂;食下停下咁,扣扣埋埋我只係蕉左18日囉)

但我既磅數已有所回落

講講下口痕,食番個橙先~

無錯,蕉building的過程中,我盡量下午茶都食個水果(橙同奇異果係最常食到架);咁當然有好多日心情低落時都會食番塊DOVE朱古力開心下既~~但可樂、薯片已經絕跡多時喇,久不久都有心癮想食,但好快就冷靜落黎無破戒......

好,講番我既磅數先......

由122bs(嚇死人喇肥四),依家係117bs

足足輕左5bs......(剛病好番d,上磅只係得114bs架咋,我開心到以為輕左成8bs;後來好番d胃口又好番d,磅數又上升番d囉~)

但keep住到依家都係117bs!!!!!!yeah!!!!!!

由於蕉左咁多日,我蕉到好厭又悶喇;經同傻芬長老商量後,決定聽取阿奶的意見,由星期一起「火龍building」(好似好勁咁啊個名......超白痴)

火龍果係我好鐘意既水果之一,水份夠、價錢唔算貴、對半切開用匙羹畢黎食都算方便、可以留到幾日,最緊要係咩你知嘛............就係佢一樣都係飽肚又通便架﹗﹗﹗

書入面有提到,其實可以轉其他水果代替蕉,但要明白重點在於早上希望讓腸胃好好休息,所以只食一種水果同飲常溫開水;我仲keep到早訓同盡量早d食dinner......你睇我為左減肥真係幾乖都有架~

好喇,盟友們﹗希望大家唔好放棄、我既目標係105bs,即係仲有12bs to go......

過一排我又番黎同大家報告架喇,努力啊~~~~~~


yen | 28th Mar 2009 | 文字.碎碎唸 | (97 Reads)

某日收工,陳媽媽急call

因為陳媽媽身體抱羔,所以call我陪佢睇醫生

出開黎睇醫生,我就帶媽媽去食埋dinner先番歸睇laughing哥

哈﹗全城laughing哥,陳媽媽都好跟到個trend架~~佢都有追呢套戲~~~

最後我地去左「嚐越」度食

陳媽媽叫左碗扎肉金邊粉($43)、我就叫左碗河內雞絲水晶粉($45)同至愛

咩係至愛??

就係佢囉「青檸梳打」,呢間嚐越的青檸梳打唔好飲,無青檸味仲要$18杯.(失敗).....

陳媽媽碗粉無咩特別就無影到,我呢碗造型夠哂特別~

用呢個野載比我食,就算唔打得都睇得啊~所以話呢,外表係好重要架﹗

咁內在都同樣重要既,但係由於我病ing,手震影得唔好

其實個水晶粉好似粉絲咁,幾好食架,爽口又滑滑地......

而且湯底雞味濃,而且唔太鹹,配菜好夠份量

但係水晶粉有d痴埋一舊,要揚開佢先好夾黎食

總括而言,係值得再去食下

但下次再去既話,一定要八點之後

因為八點後以現金找數既話全單7折,係7折啊~~~~~~~~~~~~~

哇哈哈﹗今次我7:30pm入去食(@%^$@^#@^q@^)


yen | 27th Mar 2009 | 節日食譜 | (1806 Reads)

在我工作的地方,久不久就會邀請導師舉辦親子餅房

今次就要為大家介紹一下,由導師製作(我在一旁偷師又偷雞整兩野)的作品

朱古力復活蛋.棉花糖兔仔

剛開始時老師教大家要為蛋模掃上朱古力,一層兩層的掃

後來有一個家庭因為掃得不夠均勻而導師甩模失敗,老師就叫我幫忙做一個

最後老師說我做既甩得好好啊(面紅),哈﹗令我很有衝動回家弄一個(我買了蛋模喇)

OH﹗你們看~~~這是老師做的小蛋模,在裡面放點小朱古力豆、糖果啊就可以合體

最後還教大家做了可愛的棉花糖兔仔,還有大大隻的朱古力蛋呢~

我個人比較喜歡小朱古力蛋,因為比較不肥不漏,適合女孩子嘛

因為復活節的原故,我跟大老細申請,買來一堆朱古力蛋送給小朋友,再問一些與復活節有關的題目,最後大家都很快樂的忙了一個週日、開開心心滿載而歸地回家去


yen | 26th Mar 2009 | 中式甜點 | (882 Reads)

舊年同胡先生去台灣,係九份食過當地的芋圓,一吃難忘

聽說當地的阿嬤用芋頭跟地瓜粉弄出可口的圓子,口感QQ的

有冰的、也有熱的

我比較愛吃冰的口味,要知道芋圓煮得熱騰騰再放進冰糖水裡面去,雙重享受哦

一轉眼,從台灣回來也快要一年

記得回來不久,就去看五月天的Live Show;超high的說﹗

五月天今年的演唱會聽說擬在5月20日或21日進行,真的很想去看

五迷要注意售票期限

現在想要買票還早,來吃個港式芋圓怎樣?

在二德惠有售,回來不用解凍,燒開糖水直接把圓子放進去煮到熟就可以了

每次聽到五月天的歌、看到他們的惡攪,我心情就會好過來......


yen | 25th Mar 2009 | 文字.碎碎唸 | (153 Reads)

我小見識,以為小肥羊只有打邊爐、涮羊肉

原來有飲茶,而且平、靚、正

我同胡先生、陳媽媽三人行,叫左幾個點心、炒左個飯,埋單一百蚊唔駛

而且質素唔錯、服務都算係咁,大家不妨試下

蘿蔔絲酥餅,佢兩個讚不絕口;我大病未好,唔敢食熱氣野

呢個炸兩就差d,林芝芝既......

懷舊馬拉糕,媽媽話好味到不得了~

炒飯樣ok,但飯林身左d,下次好番可以試下星洲炒米

因為我唔食羊,而且好怕小肥羊的湯味(有一次老三帶過一包湯包番黎食),所以我無去過打邊爐;原來佢d櫈都有小肥羊的樣架﹗﹗都係第一次見到~


yen | 24th Mar 2009 | 包點、曲奇 | (276 Reads)

之前教班整芝士波波,我自己都買左兩包cake mix

其實好耐之前已經整過,芝士波波真係好好食,可惜陳媽媽唔鐘意芝士味

所以今次整,我決定試下棄用芝士,轉用其他味

今次試純味、咖啡味及綠茶味

個人認為綠茶唔好食,咖啡最好味,但可以既話都係芝士波波最0岩我

呢個係純味,另外兩隻味的色水唔出

始終第一次整唔同味,要多幾次實習先得

食譜等我試到0岩先出post啦~~~


yen | 23rd Mar 2009 | 包點、曲奇 | (400 Reads)

上星期番大陸睇花,夜晚同屋企人打的去萬佳附近的小書城

買左本「妙趣曲奇」,一打開就見到教整燕麥曲奇

做法一d都唔難,所以就算病緊都好想試下整

結果,應該係成功既(應該,因為我病到無咩味覺,陳媽媽幫我試味,佢話好食好脆但無咩麥皮味 --> 其實麥皮都無咩味既本身)

材料﹕麥片200克、蜜糖2-3湯匙、黃糖25克、牛油100克、鹽少許

做法﹕糖、蜜糖及牛油煮融,加入麥片及鹽攪勻後壓入焗盤(先墊上牛油紙),以180度焗15分鐘,轉150度焗至金黃色;出爐後放涼及硬身,即可切條進食。

小撇步﹕烘焙店有售大粒燕麥,專為烘焙而設。


Next