香港新浪網 MySinaBlog
yen | 31st Oct 2008 | 中式甜點 | (1099 Reads)

你地鐘唔鐘意食d煙un口感既食物呢?我就好鐘意

記得之前我提過呢一點,亦都介紹過類似既料理

不過今次有少少唔同

就係今次的蕃薯粉同上次既唔同

無論顏色、功效、食味都係正中都不能

加上乾桂花就更加不得了,有花香味又有煙un口感,最重要係清熱滋潤嘛

係近排熱得黎又有乾燥的時候,食番碗蕃薯丸子真係無得頂

材料﹕蕃薯粉1杯、大熱滾水適量、冰糖1大舊、水半煲、乾桂花1茶匙

做法﹕

(1) 將蕃薯粉至大碗中,逐少加入大熱滾水,一邊加一邊搓揉成粉團

(2) 將粉團搓成小丸子大小,燒熱水加冰糖煮至糖融,加入小丸子煮至浮面即可,食時加入桂花。

小撇步﹕

(1) 正中蕃薯粉不經漂白,所以顏色帶灰,只要丸子煮至浮面就ok喇

(2) 蕃薯粉正氣,老人家同小朋友都0岩食架

(3) 搓蕃薯粉時必須用大熱剛煮滾的水,一方面可減少煮唔熟既機會,另一方面熱水先可以增加蕃薯粉的煙un口感。

(4) 如果想個糖水出黎好似咩咩露咁,唔會稀了了,就可以用少少蕃薯粉加熱水攪成糊仔咁,撞入煮緊的糖水中,再煮滾就可以喇~


yen | 30th Oct 2008 | 簡易晚餐 | (356 Reads)
酒樓有款點心叫「這不是春卷」

結果黎到又係春卷,只係餡料唔同、賣相係用杯唔用碟

今次我整既就更不是春卷

因為,唔炸既春卷皮,自己包料即食

我覺得好好玩

下次再整我會加埋燒鵝或者煙鴨胸肉,應該幾好食

係咪好似白紙?其實係春卷皮......

我地就係將呢碟送夾d係春卷皮,包住黎食~

材料﹕甘筍一條、魷魚乾4隻、蝦米仔一把、京蔥2棵

調味﹕魚露1湯匙、生抽1湯匙、水3湯匙、白胡椒少許、麻油1茶匙

做法﹕

(1) 甘筍切媽、魷魚乾及蝦米仔浸軟瀝乾切粒、京蔥斜切

(2) 燒熱1湯匙油,爆香魷魚乾及蝦米仔,下甘筍略炒最後加京蔥及調味,即可。

小撇步﹕春卷皮多是急凍,食前宜隔熱水蒸1分鐘讓它回軟。


yen | 29th Oct 2008 | 簡易晚餐 | (227 Reads)

之前買左魷魚筒,但唔想再整燒汁魷魚住

又見到西柚好靚,$10 @3個

就整左呢味野

孤且叫佢做魷魚沙律

材料﹕魷魚筒3隻、西柚3個

醃料﹕乾蔥1個、蒜泥1湯匙、乾芫茜1湯匙、黑椒及鹽適量

做法﹕

(1) 將急凍魷魚洗淨,從魚骨位劏開,界架仔,飛一飛水後用醃料醃1小時

(2) 西柚切頂及底部,用小刀連皮及白色部份切去,將果肉切出及放在碟底

(3) 魷魚用1湯匙油爆熟,盛起切卷並放於西柚肉面,即可。

小撇步﹕

如果食得辣的話,我十分極之建議大家加辣椒仔,呢味野會即時好味好多~

媽媽話魷魚好味,老大話好特色,胡先生咩都無講係咁食

well,我個人認為大家都好比面~

而味道方面係可以再好食d,好似加番d醮汁就更好

好似係d青檸啊、魚露啊、辣椒啊咁之類啦~(下次再努力)


yen | 28th Oct 2008 | 文字.碎碎唸 | (81 Reads)

之前同屋企人去福田玩,行左去一個批發中心

終於搵到呢set笑哈哈餐具

雖然陳媽媽話好睇唔好用、質素又唔好

但係我同老三都唔理咁多,用左非香港價錢帶左佢地番黎啊~

可能又有人話佢地個樣恐怖,不過我地覺得ok啊~

下次整野食影相時,佢地可以出場喇~


yen | 27th Oct 2008 | 簡易晚餐 | (307 Reads)

行過凍肉店,見到煙肉減價,想起媽媽買左腸仔

就想整呢個小食

細個既時候,媽媽已經整呢款小食

煙肉下油鑊的之之聲,一陣陣的鹹香味~

我地三姊妹係廚房門口開心到跳跳跳..................

今晚就來回味一下

我問陳媽媽點解會想到咁樣整煙肉卷,媽媽話大食會見過食過,所以就整黎食~

媽媽整既野永遠都係最好味架~

簡單到好似粟米湯咁,加隻蛋花、撒把蔥,已經好溫馨好好味喇~


yen | 26th Oct 2008 | 中式甜點 | (1186 Reads)

早幾日天氣突然乾燥起黎,個個都乾淨淨

聽到陳媽媽有幾聲咳,我又飲極水都仲好頸渴

放工前已經諗定要買咩番去煲......

結果係~~登登~~﹗蓮子百合糖水~

媽媽話今次d蓮子唔夠林,下次要煮林d喎~

材料﹕蓮子一包、百合一包、冰糖一舊、水半煲

做法﹕

(1) 蓮子去芯洗淨、百合去泥洗淨、冰糖+水煮滾

(2) 糖水滾後,加蓮子煮半小時,加百合煮至融,即可。

小撇步﹕

(1) 如喜歡加入已浸軟腐竹煮,成為蓮子百合腐皮糖水

(2) 蓮子要去芯,meet開中間果條綠色既野,唔係會好苦好涼架~


yen | 25th Oct 2008 | 簡易晚餐 | (331 Reads)

睇完大少奶本書,隔日就已經好想整個牛肉卷

事源我呢個星期一唔駛番工,轉行去做學生

放得早,番黎街市未收檔,我就去買料整番幾件牛卷食下~

由於陳媽媽唔鐘意食牛,我又唔想食太多,所以整得四件

好味啊~大家都可以試下整,我買完送番黎,陪臻臻少爺玩左一陣,吸埋個塵都仲有時間整.....

食譜參考自<大少奶的自悠煮意生活>

材料﹕肥牛4塊、三色椒各少許、salt & pepper各少許

做法﹕

(1) 三色椒切絲備用,肥牛退冰後沖沖水及印乾

(2) 用肥牛卷實三色椒絲,用salt & pepper略醃

(3) 燒紅鑊下1湯匙油,先煎牛卷收口的位置,焦香後翻另一面煎至熟透,即可。

小撇步﹕

(1) 三色椒帶甜,菜蔬的清新同肥牛的膩中和了~

(2) 其實就咁salt and pepper已經好夠,但會較乾身,如果想濕濕地食不妨加個茨

(3) 茨汁﹕蒜泥1粒(先爆香)、魚露1湯匙、生抽1茶匙、麻油及生粉水少許(最後加)

(4) 牛卷先煎收口位,係要固定個型唔會散


yen | 24th Oct 2008 | 陳媽媽料理 | (240 Reads)

知我者莫若母,陳媽媽知道我鐘意食乾身的飯,所以每次盛飯第一碗一定係比我既

因為底下或者中間的飯都會比較軟熟,我係唔多食架(好咀刁呢~)

陳媽媽炒飯係最合我胃口架,出面食既炒飯無一款及得上佢呢一味

簡簡單單的蛋炒飯,我已經會歡天喜地又跳有叫架喇~(笑)

你睇陳媽媽將佢炒到粒粒分明,雖然有少少鑊屎,但我都照食架~太感動喇~

天氣凍既時候,我就會叫陳媽媽炒薑飯我食~

係啊,無聽錯,生完bb的媽咪坐月食果d薑飯啊~(唏﹗老人家拘寒嘛~)

今日同場加映蘆薈果凍(今次直接用果凍粉,同蒟蒻比起黎,都係蒟蒻好食d)


yen | 23rd Oct 2008 | 文字.碎碎唸 | (64 Reads)

我好鐘意煮野食就係人都知啦,其實我仲有另一種愛好架

就係一d好「的色」又details的小擺設

佢地像真度極高,感覺就好似將個世界帶番去屋企咁

將佢地放哂出黎的感覺,相當唔錯﹗

第時屋企應該要有一個玻璃櫃,比我放哂呢d小世界出黎

望到佢地,我就會好幸福架喇﹗

早兩篇介紹左呢set木枱櫈,上面放埋茶餐廳的小擺設,真係無得頂啊~

都痴線架~你睇佢連餐牌都有,真係......唔該一份A餐

呢件西多仲有埋牛油,陳媽媽見到都覺得好真啊~(仲有杯茶~)

呢個係西餅組合,無茶餐廳咁似,不過都好鐘意啊~

善長仁翁﹕陳老三


yen | 22nd Oct 2008 | 文字.碎碎唸 | (65 Reads)
世上令人無奈的事有很多,多得讓人很無奈

昨天早上賴床至8:00am(我番9:00am),還留戀與小臻臻玩耍結果miss左巴士,唯有去「請勿靠近車門」啦十次唔中一次的,我隨手拿了一份免費報紙,打算用來抵抗「舉高加拿大的狐狸先生」;結果,讓我發現了一個史上最殘忍的疾病 -- 「安格曼症候肆」Angelman Syndrome,俗稱「快樂木偶綜合症」)

患者的神經系統因基因失調而受影響,自BB仔的時候已經唔識喊,經常笑口常開,其實佢地係認知發展同語言方面都有好大的障礙,行動亦都好困難。呢個患病的小朋友今年只得4…… 

如果笑容係代表快樂,咁對於呢個小朋友,又代表咩呢?

但願小朋友可以痊癒、但願健存的小朋友能珍惜、但願我們也學會……


Next