香港新浪網 MySinaBlog
yen | 30th Sep 2008 | 中式鹹點 | (580 Reads)

以下係一則食橡筋既真人真事

話說有一家人對於又爽又脆的食物特別有好感

二女為左過口癮,所以就去左買包即食海蜇番黎~

點知一打開個包裝,一堆好似橡筋既野就出現左喇

經過一輪加工後,終於都食得喇﹗

Well,我個人認為錢真係要比人讚架~

出去食同今次自己整,真係差得遠

唔係話d橡筋唔爽唔脆,而係d汁唔夠好味~

好明顯都關我事,因為我趕住番工,無咩時間整個汁

好啦,下次等我買d海蜇頭番黎bear水,再比心機整好個汁

因為胡先生都好鐘意食、我一家人都好鐘意食,唔比心機學整都唔得啦~


yen | 28th Sep 2008 | 西式甜點 | (1256 Reads)

大家好﹗又係我牛奶樽啊﹗

雖然我個樣平平凡凡,但我主人好有心係台灣帶我番香港架﹗

所以都算係平凡中帶點不平凡啦

上次我個粉紅餡似乎唔受歡迎,今次我變身成為芒果餡大家又點睇呢?

呢個餡真係無難度,而且唔貴,又快整好

真係0岩哂我主人怕熱又懶既性格﹗

唔係誇張,如果只係計完成個餡加注入容器,需時真係只不過5分鐘

咁如果想等佢凝固架d裝飾既,等多15分鐘就ok喇,未入雪櫃都已經凝固左

點解?因為佢唔係用魚膠整架,係用海藻粉

只要唔郁佢一陣就會凝固到,而且有纖維,算係幾健康啦~

好味指數﹕8個哎破喉嚨(滿分有10個)


yen | 27th Sep 2008 | 文字.碎碎唸 | (117 Reads)

介紹食店又點可以hei幾日架

但係一次過post哂又太長,所以分開幾個post喇~

再黎就係主菜同甜品

今次我既係鵝肝、鴨胸、薯蓉

鴨胸實在係生到呢......我只可以食到一塊就要投降

咁鵝肝就梗係ok啦,分左一半比胡先生,佢都話so yummy呢......

佢果個係海鮮蕃茄扁意粉,你地睇佢幾sweet,比我食同自己食既都係差一截架;所以我分我最愛既鵝肝比佢食有原因架~~~

最後就係甜品喇~well,我個人認為好難食~

特別呢杯野,奶唔係奶、cheese唔係cheese,好難食~

烤蘋果同另外果個好似係雪糕,都係唔好食......

呢個就0岩數好多喇,特別係呢個紅莓jelly cake,好味~

走既時候我先知道原來間餐廳既牙籤有一邊係peppermint架,我以為係甩色(大鄉里)

呢間野就係causeway bay的怡東酒店的餐廳,可以望到海景,不過我懷疑個玻璃唔夠乾淨,懞查查咩都睇唔到~

 (閱讀全文)

yen | 27th Sep 2008 | 文字.碎碎唸 | (64 Reads)

介紹左飲品,就梗係輪到前菜同湯啦~

呢份本來係胡先生架,不過黎到我又好想食,所以就同佢對換左喇~

呢個係蟹肉唔知咩餅,勁勁勁好食啊~~d菜又新鮮又爽.....超讚﹗

呢個係我地兩個都有,但唔好食既,好似叫咩明蝦沙律之類......

呢個係雜菌忌廉湯,讚﹗

呢個係好似叫做雲吞牛肉湯(有d似清湯腩既fd),個樣好似幅畫~~

不過黎既時候比個waiter打瀉左d......算啦算啦~~都唔係幾好飲姐~


yen | 26th Sep 2008 | 文字.碎碎唸 | (73 Reads)

早一排胡先生同我去左間酒店的餐廳食飯

影左相一直都未有時間整理同upload上黎,依家終於都攪掂喇~

先黎兩杯特飲先,胡先生話一生起碼豪一次,所以我地叫左兩杯野~

呢杯野係什麼雜莓特飲,好好飲,仲好靚tim

呢杯係胡先生,好似係咩Cocktail之類,苦既......

其實仲有其他架~不過太夜喇依家,聽晚再post埋餘下既菜式~


yen | 24th Sep 2008 | 文字.碎碎唸 | (70 Reads)

睇新聞知道「著縐」d奶都有毒~

我屋企仲有三盒佢地既雪糕

你睇,我以為佢有寶,影左d相懶靚咁......

成杯都只係覺得個cone無毒咋,因為唔係「著縐」牌架~~

如果有朝一日你地再見唔到我update個post又無咩說話講低,你地就知道罪魁禍首係......


yen | 23rd Sep 2008 | 文字.碎碎唸 | (138 Reads)

久不久就會掛住麻辣米線,一諗起就會流口水

而食過的店子當中,深水埗長發街的麻辣米線係最最好味、抵食、街坊架~

可惜已經有6、7年無經過果頭,好掛住佢,唔知仲有無經營呢~

近年食過比較好味既,就有以下呢間位於窩打老道近培正小學的「好麵線」

一般的米線係無送架($18@),每加一款就要加錢,$5-6左右;基本上唔係好抵食,因為米線唔係套餐,要飲品要加最少$6,如果去食我會加夠$8要凍檸樂

你睇到呢碗我要左豬肚豬耳小麻辣米線走肉碎(米線會送你酸菜、芽菜、九菜同肉碎),我覺得肉碎整肥個湯底(我食都係因為呢個湯底,蔡欄有訪問過佢)

事實上,個湯底就咁清湯已經好好食,小麻辣就有d刺激,好正~夏天食都唔怕,因為出汗都覺得抵架,太好味喇~(你可以要清湯、麻辣酸辣仲分大中小)

你睇,幾清~


yen | 22nd Sep 2008 | 西式甜點 | (148 Reads)

還記得她嗎?

我的布甸~~

胡先生對於士多啤梨口味的東西都不感興趣,所以他只食了幾口就沒有再食了

我覺得雖然這個口味不能令胡先生十分喜愛,但我仍然會給她80分

因為口感真的很綿滑,而且外形很女孩子、很pink,相信頗受女孩子歡迎的


yen | 21st Sep 2008 | 文字.碎碎唸 | (80 Reads)

由於今日我有重要任務在身,所以沒有製作料理

反而老三就做了一個她自言是胡亂做出來的朱古力蛋糕

外型頗為吸引的,口感就是那種很細膩的朱古力口感,總的來說是一個很不錯的蛋糕

雖然它不是什麼Classic,但值得跟大家介紹一下~

登登﹗老三的朱古力蛋糕


yen | 20th Sep 2008 | 文字.碎碎唸 | (221 Reads)

剛過去的中秋,我跟胡先生逛過住好D的店子,看到有很多人在排隊購買一款月餅

店員表示因訂單很多,現貨已經沽清,客人需要先付款於中秋節前取貨

我仔細看看那個售$30@的月餅,得出一個結論 -- Gimmick

佢以屁股作為一個Selling point,八月十五=屁股=中秋

日曆的包裝,很懷舊(又係Gimmick)

內裡有一篇像通勝的文章來介紹這款屁股月餅

結果最後我有沒有購入這一款外表不太似屁股的屁股月餅?當然無啦~

咁我講黎做咩?因為我阿臻臻竟然收到一個,我仲唔借黎講番夠本咩~(好白痴)

好唔好食就未知,因為寒舍仲有兩盒美芯同幾個冰皮未解決呢~


Next