香港新浪網 MySinaBlog
yen | 31st Jul 2008 | 西式甜點 | (337 Reads)

熱....熱....熱....

我就黎溶係條街度,每次都係汗流浹背、一面痴立立咁~

呢個時候真係好想有一杯冰凍既可樂,最緊要有冰,咁就真係為之very good喇~

今次我要介紹呢個唔駛開火又簡單的夏日佳品

就係食得既檸檬冰﹗﹗

你地睇到嘛?佢中間有d一粒粒既係檸檬黎架,一d都唔難整,快、靚、正﹗

材料﹕海藻粉15克、滾熱的水300ml、檸檬汁半個、檸檬茶粉一包

做法﹕將粉類混合,用滾熱的水拌勻至融解,加入檸檬汁,注入容器冷凍至凝固即可

小撇步﹕

(1) 檸檬粉係我在吉豬島十蚊店買既,其實可以直接用檸檬茶依替材料中的熱水及檸檬茶粉,但記得要加熱

(2) 呢個消暑良品變化好大,可以用任何果汁去代替熱水,只要加熱去融掉海藻粉就ok架喇~

(3) 可以切細粒d,加係飲品度更正~


yen | 30th Jul 2008 | 文字.碎碎唸 | (65 Reads)

呢幾日真係熱到人都癲、車都死哂火

見到陳媽媽每日都大汗細汗咁煮飯比我地食,真係好替佢覺得辛苦

我地都要為辛勞的母親致敬啊﹗

係咁既環境,陳媽媽總會買定d消暑良品比我地

西瓜當然係不二之選,估唔到原來加埋火龍果加檸檬汁係咁match架~

呢個係消暑、通便又高維他命c的拼盤啊~~


yen | 30th Jul 2008 | 文字.碎碎唸 | (100 Reads)

原本打算去澳洲牛奶公司lunch一番,食番佢個湯意、厚蛋同厚多~

點知去到竟然排長龍............

胡先生見我就快melting in the street的情況下,緊急帶我去左澳奶隔離間自稱日本料理的餐廳食~(其實係我唔耐煩所以捉埋胡先生入去唔駛等位有冷氣的地方亂叫野食)

結果?兩個字,捉蟲﹗

我地叫左兩個set,我要魚生飯(個waitress推介咪試下囉)、胡先生叫左個海南雞飯啦~

點知就黎左兩碟咁既野黎@.@

魚生飯我預左唔會靚野,但都無話咁甩皮甩骨搵個微波爐碟我盛住黎食咁無誠意呱?

海南雞飯據用家胡先生品評後,得出三個字「無乜野」-- 即係唔多好食啦~

最抵死既係,我地要餐飲啦,我杯凍O茶少甜係無事既,胡先生杯凍力(朱古力)真係呢......佢成杯無飲過咁濟(可想而知係幾咁難飲)

總括一句,做任何工作都要有heart,單從一個碟、一杯野飲,我開個盤﹗佢不出半年一定消失於寶靈街﹗


yen | 29th Jul 2008 | 文字.碎碎唸 | (108 Reads)

人生或許可以有很多365,但與你最愛的人一起,每一個365都是珍貴而快樂的

機緣巧合下我們遇到了好心的元朗青年,找到了田中,見識了份量驚人的日式料理

用料新鮮、食到傻都是$200有找

三文魚手卷足足有4大塊三文魚(我傻眼了~)

厚綿胎的帶子壽司(食半件已經飽到陳媽媽都認我唔到)

再來一客(好似叫做)火焰卷,鮮甜海膽、爽口甜蝦、厚重三文魚(好正啊~)

跟尾有我的好朋友墨魚蟹子(太大件我要同胡先生Share)

美中不足既係麵豉湯麻麻地、反而個玄米茶好香口(任飲)

串燒拼要$55,但都幾好食,最好味係個串燒雞腎,未入口已聞到陣鹽香烤的味道,入口微鹹帶爽脆的口感(正x1000)、之後食左個我覺得麻麻地既牛舌(胡先生可以獨享了,因為我覺得有d腥)、跟住就係我獨享既雞軟骨(唔肥又爽口,大家見唔見到胡先生啊?佢比我串雞軟骨遮住左~)、胡先生飽到食唔哂串雞皮(都好既,太肥喇)

我知好多朋友都知呢間野,但知唔知佢已經搬離舊址喇?

放心,佢仲係度,只係去左大街的街尾

正確地址我呢個路盲無謂老點大家喇,等我問下胡先生(下次補番比你地啦~)


yen | 27th Jul 2008 | 文字.碎碎唸 | (131 Reads)

在壓力太大時,令我難以入睡、難以排出

皮膚自然變差、心情也更見煩躁

做Facial的師傅介紹我食火龍果加檸檬汁,維他命C勁高!~~

第二寶﹕金柚

呢個係我發現架,可能好多人都知,不過真係萬試萬靈


yen | 26th Jul 2008 | 中式甜點 | (2627 Reads)

係啊~係真架~我自己整香蕉糕啊......

感覺係好軟綿的口感,香蕉味唔係我杯茶,但呢隻糕我都食到兩件

所以喜歡吃蕉糕既朋友,我十分推薦大家試下整呢款甜點啊~

因為簡單又易做,材料很便宜,口感很細緻,送客自用皆宜。

材料﹕糕粉140克、糯米粉70克、熱水240克、糖100克、橄欖油1湯匙、香蕉油1/2茶匙

做法﹕將糖、油及水混和至糖融,加入香蕉油充分拌勻,加入其餘粉類拌至沒有粉粒,叮3-4分鐘(高火),放至暖和即可捲成香蕉糕或包入豆沙成香蕉豆沙糕。

小撇步﹕可用熟手粉沾手以免捲糕時黏手黏腳,熟手粉=粟粉加熱叮30秒即可,因為口感更細膩。


yen | 25th Jul 2008 | 陳媽媽料理 | (697 Reads)

每年的年桔放過了新十五之後,你們會如何處理呢?

掉進垃圾箱無眼屎乾淨盲?當水果吃進肚裡去?

我的陳媽媽就將甘桔葉子來洗針板去味、桔子就用來鹹製

鹹柑桔除了用黎放之外(好似阿志雲送比teresa果樽70年柑桔一樣,睇多過食)

最近我喉嚨有點不適,陳媽媽這個秘密武器一出場,即時舒服不少~

你咪睇佢縐哂皮,好真材實料既鹹柑桔黎架~

用熱水沖焗那棵已搗爛的柑子,即可飲用

暖暖鹹鹹的,起初感覺很怪,但後來發現怪得有道理,真的很靈呢~


yen | 24th Jul 2008 | 文字.碎碎唸 | (99 Reads)

星期六本來要番wholeday,後來又可以放半晝,陳媽媽又已午膳,所以就乘機同胡先生拍拖去lunch lunch喇~

我地去左嘉樂食板前,今日先知呢期有野送,食滿$100就會埋單先送你一碗日本味來粟米,仲要講明唯有佢先係可以生食的粟米

well~~~我唔知係咪只有佢先可以生食,不過味道的確好清甜又爽口,加上板前將佢地都冰好,所以炎夏裡來一客味來粟米,真的很不錯吃的說~~

之後我地去左發記食甜品,我要左個楊枝金露,胡先生要左個腐皮薏米湯丸

味道ok啦,不過就貴d,下次我自己整lu~


yen | 23rd Jul 2008 | 西式甜點 | (391 Reads)

好杰撻撻的楊枝甘露,我唔係第一次整架喇,不過今次重手左,所以就好足料囉~

嗯......下次要落少d淡奶,應該會無咁杰身架喇~

雖然就唔係我預期中的味道,不過算過得去啦,今個炎夏呢款甜品會成日出現架﹗

太多喇~定係個碗太細喇?好似好豐富咁既......

其實做法唔係話好複雜,係多d野做咁解啦~可以有個快靚正既做法,之前我試過好work架,下次我會再改良下~大家參考住先啦(5-6人份量)~

材料﹕芒果5個(打成蓉)、芒果2個切片、芒果汁500ml、淡奶200ml、泰國金柚1個(果肉撕成顆粒)、檸檬半個(搾汁)、西米1/3杯

做法﹕西米煮熟隔去水份後,與其餘材料混合,雪凍即可。

小撇步﹕淡奶好影響甜品杰唔杰身,所以因應你的喜好+/-喇~


yen | 22nd Jul 2008 | 陳媽媽料理 | (337 Reads)

陳媽媽最近在研製蕃茄炒蛋,另外天口興興地,炒番個魚香莧菜好送飯又開胃

這兩款料理真的超讚啊~﹗一百分﹗

惹味又開胃的魚香莧菜,肉是雞脾肉,跟魚香出奇地配~

這個蕃茄炒蛋靚唔靚仔呢?我覺得好靚仔啊,陳媽媽自己研究煮飯,無參考咩咩師傅的做法或者食譜,結果原來同高師傅的做法不謀而合呢~~唔通我家有個陳師傅?﹗

天氣太熱喇,飲番碗粟米豆腐羹,再唔係就加半碗飯做成湯飯,易入口又好味~

呢個係沒有臻臻的生日蛋糕,因為呢個人仔去左旅行啊~


Next